Транспорт вазирлиги байрамолди ва байрам кунлари «Афросиёб» поездларининг қўшимча қатновлари йўлга қўйилишини эълон қилди.
Қайд этилишича, Ўзбекистон давлат мустақиллиги 31 йиллигини нишонлаш муносабати билан «Ўзбекистон темир йўллари» томонидан байрамолди ва байрам кунлари йўловчилар учун қўшимча қулайлик яратиш мақсад қилинган.
29 августдан 4 сентябргача Самарқанд—Тошкент—Самарқанд йўналишида «Афросиёб» юқори тезликдаги электропоездлари ҳаракатига 1 тадан рейс қўшилади ва жами 7 та рейсни ташкил этади.
Қўшимча маълумотни Тошкент шаҳридаги 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олиш мумкин.
Эслатиб ўтамиз, «Ўзбекистон темир йўллари» Мустақилликнинг 31 йиллиги муносабати билан ички йўналишларда чипталарга чегирмалар эълон қилган.
Мавзуга доир: «Афросиёб» поездлари ҳаракатини онлайн тарзда кўриш, кузатиш, мониторинг қилиш имконияти яратилди
Изоҳ (0)