Bayram kunlari “Afrosiyob” poyezdining qo‘shimcha qatnovlari yo‘lga qo‘yiladi

Transport vazirligi bayramoldi va bayram kunlari “Afrosiyob” poyezdlarining qo‘shimcha qatnovlari yo‘lga qo‘yilishini e’lon qildi.

Qayd etilishicha, O‘zbekiston davlat mustaqilligi 31 yilligini nishonlash munosabati bilan “O‘zbekiston temir yo‘llari” tomonidan bayramoldi va bayram kunlari yo‘lovchilar uchun qo‘shimcha qulaylik yaratish maqsad qilingan.

29-avgustdan 4-sentabrgacha Samarqand—Toshkent—Samarqand yo‘nalishida “Afrosiyob” yuqori tezlikdagi elektropoyezdlari harakatiga 1 tadan reys qo‘shiladi va jami 7 ta reysni tashkil etadi.

Qo‘shimcha ma’lumotni Toshkent shahridagi 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.

Eslatib o‘tamiz, “O‘zbekiston temir yo‘llari” Mustaqillikning 31 yilligi munosabati bilan ichki yo‘nalishlarda chiptalarga chegirmalar e’lon qilgan.

Mavzuga doir: “Afrosiyob” poyezdlari harakatini onlayn tarzda ko‘rish, kuzatish, monitoring qilish imkoniyati yaratildi