Сурхондарёда фуқаронинг пластик картасини ўғирлаб, 10 млн сўм пулини ўзлаштирган шахс ушланди

Банк картасининг пин-коди эълон қилиниши ортидан ўғирлик жинояти содир этилди, деб хабар бермоқда Киберхавфсизлик хизмати.

Қайд этилишича, Сурхондарё вилояти Узун туманида яшовчи фуқаро Д.Қ. ариза билан мурожаат қилиб, унда банк пластик картаси туманда жойлашган Paynet шохобчасида номаълум шахс томонидан ўғирлаб кетилгани, ундаги 9 миллион 222 минг сўм пул ечиб олинганини билдирган.

Олиб борилган тезкор-қидирув тадбирлари натижасида банк картаси PIN кодини Paynet шохобчасида жабрланувчи томонидан ошкор қилинганидан фойдаланиб, банк картасини ўғирлаб, пулларни талон-торож қилган шахс Узун туманида яшовчи Н.А. (1978 йилда туғилган) экани аниқланган.

Ҳолат юзасидан Н.А.га нисбатан Жиноят кодексининг 169-моддаси (ўғрилик) билан жиноят иши қўзғатилган.