Бу аёллар ҳақиқий қаҳрамонлардир, чунки улар суратга тушиш вақтида ҳомиладор бўлишига қарамай мураккаб саҳналарда ҳам қатнашишга тайёр эди, деб ёзади «Lisa.ru».
Кейт Уинслет
2013 йилда Кейт «Дивергент» франшизасининг биринчи қисмида суратга тушишни бошлаган — ўша пайтда у ҳомиладор эди. Бироқ актриса суратга тушиш жараёнини тўхтатишни ва у билан ишлашдан бош тортишларини истамади, шунинг учун дастлаб ўзининг ҳолатидаги ўзгаришни яширди.
«Мен фильмда суратга тушишни бошлаганимда ҳомиладор эдим, шунинг учун либослар катталашиб бораётган қоринга мослаштирилиши керак эди. Суратга олиш даврининг охирига келиб, костюм дизайнерлари мени бироз ёқтирмай қолди», — деб эслайди актриса.
Эмили Блант
2013 йилда яна бир актриса — Эмили Блант ҳам ҳомиладорлигини билиб қолди. Бу «Ўрмондан узоқроқ» фильмида суратга тушиш шартномасини имзолашдан бироз олдин содир бўлди. Актриса фильм ижодкорларига ҳеч нарса айтмади, чунки у ишини йўқотишни хоҳламади.
Бироқ у ўзини ёмон ҳис қила бошлаганида, ҳаммасини айтишга қарор қилди. Режиссёр Роб Marshall бу янгиликдан ҳайратда қолди ва ҳатто ранжиди ҳам, чунки у сездирмасдан Эмилини қандай суратга олишни билмасди. Бироқ костюм дизайнерлари ва бошқа актёрларнинг ёрдами туфайли Блантнинг ҳомиладорлиги кадрда сезилмади.
Холли Берри
Холли «Ғаройиб одамлар: Ўтмишдаги келажак» фильмида рол ўйнаганида, у уч ойлик ҳомиладор эди. Аввалига актриса буни ҳаммадан яширишни хоҳлади, лекин тор костюмда вақт ўтиши билан рол ижро этиш унга қийин бўлишини тушуниб етди.
Натижада Берри билан барча саҳналар икки ҳафта ичида суратга олинди, чунки ҳамма кейинчалик сезилиши мумкин бўлган қоринни яшириш қийинлашишидан қўрқарди. «Фильмга тушиш ишлари жадал суръатда давом этди. Мен билан барча саҳналар икки ҳафта ичида суратга олинди. Мен супер қаҳрамон костюмимни кийишни тўхтатгунимча, ҳаммасини суратга олишга вақт бор эди», — деди Берри.
Кетрин Зета-Жонс
2000 йилда Кетрин «Йўл ҳаракати» фильмидаги бош роллардан бирига тасдиқланган, аммо суратга олиш гуруҳи актрисанинг ҳомиладорлигини билмаган, акс ҳолда унинг ўрнига бошқа актриса танланган бўлар эди. Ҳаммаси маълум бўлгач, Кетрин режиссёрни нафақат уни лойиҳада қолдиришга, балки сценарийни бироз ўзгартиришга ҳам кўндирди.
Кейин актрисанинг қаҳрамони ҳеч нарсани яширмаслик учун ҳомиладор ҳолатда бўлишига қарор қилинди. Ҳомиладор бўлишига қарамай, Зета-Жонс ҳамма билан тенг ишлади.
Лиза Кудроу
Лиза ҳомиладорлигини «Дўстлар» сериалида суратга тушаётган вақтда билиб қолди. Актриса сериал билан абадий хайрлашишдан қўрқди, шунинг учун ҳомиласини олти ойгача яширди.
Кудроу сериал ижодкорларига ҳаммасини айтиб берганида, улар сценарийни қайта ёзишга қарор қилди. Унга кўра, Лизанинг қаҳрамони акасининг оиласи учун суррогат она бўлишига тўғри келди ва уч эгизакни кўтариб юрганига ишонтириш учун актрисанинг қорнини каттароқ кўрсатишди.
Изоҳ (0)