Актриса Зарина Низомиддинова «Дарё» мухбири Наргиза Муродованинг қачон Ўзбекистонга бутунлай қайтиши ва эндиликда қандай фильмларда суратга тушиши истаётгани ҳақидаги саволларга қуйидагича жавоб берди.
Ўзбекистонга қайтаман, менда кичик ижодий танаффус бўлди. Қайтиш ниятим, албатта, бор. Шунча йил қилган меҳнатимни бирдан ташлаб кетолмайман. Фильмларда суратга тушаман, аммо аввалгидек кўп эмас. Агар яхши лойиҳалар бўлса, бир йилда 1—2 та ролларни ижро этишим мумкин. Аввалдан ҳам режиссёрларга бўлган талабим юқори эди. Синчковлик билан таклифларни қабул қилардим. Талабимнинг янада ортишига сабаб йилнинг фақат ёз ойида суратга тушиш учун Ўзбекистонга кела оламан, — дейди актриса Зарина Низомиддинова.
Эслатиб ўтамиз, актриса Зарина Низомиддинова жуда эрта оила қурган. У катта ўғли Темурбекни 18 ёшида дунёга келтирган. Хориждаги турмуши у қадар муваффақиятли кечмагач, Тошкентга қайтиб ижодини давом эттирган. 2015 йилнинг 18 январь куни эса иккинчи бор оила қурди. Навбатдаги турмуш ўртоғи ўзидан ёши анча катта ва тадбиркорлик билан шуғулланади. Афсуски, актрисанинг бу никоҳи ҳам узоққа чўзилмади. Орадан тўрт йил ўтиб, актрисанинг шахсий ҳаётида яна бир ўзгариш содир бўлди. У Москва шаҳрида истиқомат қилувчи, ўзидан 12 ёш катта инсон билан оила қурди ва 2020 йилда Саидумар исмли ўғлини дунёга келтирди.
Актриса турли миш-мишларга ойдинлик киритиш мақсадида яқинда Instagram саҳифасига турмуш ўртоғи билан тушган суратини жойлади. Расмни шунчаки «Ана бўлмаса» дея изоҳлади. Аммо ўғлининг Instagram профилига жойланган расмга «Ота ва онам» дея изоҳ қолдирди. Актриса мухлисларига турмуш ўртоғининг асли тошкентлик эканлигини, аммо хорижда яшаганлигини маълум қилганди. У тадбиркорлик билан шуғулланади ва спортга қизиқади.
Мавзуга доир:
Изоҳ (0)