Сурхондарё вилояти Ангор туманида банк кредитини ўзлаштирган шахсга нисбатан жиноят иши қўзғатилди. Бу ҳақда Ички ишлар вазирлиги ахборот хизмати хабар берди.
Туман ИИБ ҳузуридаги тергов гуруҳининг хабарига кўра, 10 август куни Музработ туманида яшовчи Т.Б. туман ИИБга ариза берган. Унда тижорат банкларининг биридан 2022 йил май ойида унинг номига 30 миллион сўм чиқарилган кредит маблағи таъминотчилар билан тузилган шартномага асосан Шеробод туманида яшовчи Ч.Д. ва К. исмли шахсларнинг ҳисоб рақамига ўтказиб берилганини, улар эса ўтказилган пулларнинг ўрнига чорва молларини бермасдан юрганини маълум қилган.
Мазкур ҳолат юзасидан Ч.Д.га нисбатан Жиноят кодексининг 168-моддаси (фирибгарлик) 1-қисми билан жиноят иши қўзғатилган.
Изоҳ (0)