Сотиб олишнинг кераги йўқ: уй шароитида олхўридан мазали мармелад тайёрлаймиз

Lifehacker нашри тақдим этган ушбу оддий рецепт ёрдамида мармелад тайёрлаш янада осон. Ушбу ширинликлар уйда тайёрлангач, уни дўконлардан харид қилишнинг кераги ҳам бўлмайди.

Керакли маҳсулотлар:

• олхўри — 300 грамм;
• шакар — 300 грамм;
• пектин — 10 грамм;
• лимон кислотаси — 1/2 чой қошиқ;
• сув — 1 ош қошиқ;
• ўсимлик мойи — 1-2 чой қошиқ.

1. Ўлхўрилар чорак шаклда кесиб олинади ва вақти-вақти билан аралаштирилиб, 10-15 дақиқа давомида пиширилади.
2. Сўнгра совитишга қўйилади ва бир хил масса ҳосил бўлгунча блендерда аралаштирилади.
3. Шакар пектин билан аралаштирилади, лимон кислотаси сувда эритилади.
4. Қолип пергамент қоғоз билан ёпилади ва ўсимлик ёғи суртилади.
5. Олхўри пюреси қайнатиб олинади ва оз-оздан шакарли аралашма қўшилади.
6. Яна паст оловда 15-20 дақиқа давомида қайнатилади.
7. Лимон кислотаси қўшилиб, иссиқ масса қолипга қуйилади.
8. Мармелад хона ҳароратида 6-8 соатга қолдирилади. Тайёр бўлгач пичоқ билан тўртбурчак шаклда кесиб олинади ва шакарга ботирилади.