Бисквит тортнинг ташқи кўринишига ҳам, мазасига ҳам таъсир қилмай қолмайди. «Женские секрети» нашри жуда осон ҳамда тез тайёрланадиган бисквит рецепти билан бўлишди.
- тухум — 2 дона;
- шакар — 150 грамм;
- ўсимлик ёғи — 100 мл;
- сметана — 150 грамм;
- ун — 22- грамм;
- қабартма — 16 грамм;
- лимон шарбати, қобиғи, туз ва ваниль.
- Тухум шакар, туз ҳамда ваниль билан аралаштирилади ва яхшилаб миксерда кўпиртирилади.
- Устидан ўсимлик ёғи қўшилади ва миксерда аралаштиришда давом этилади.
- Сметана ҳам шу тарзда қўшилиб, аралаштирилади. Таъбга кўра лимон шарбати ва қобиғининг кукуни қўшилади.
- Ун элакдан ўтказилиб, қабартма билан аралаштирилади. Сўнгра суюқ аралашмага қўшилади.
- Қолип ёғланади ва масса унга қуйилади.
Олдиндан 180 даража қиздирилган печда тахминан 40 дақиқа давомида пиширилади.
Пирог тайёр бўлгач, совитишга қўйилади.
Унга қаймоқли крем, мева ва ёнғолар ҳамда глазур билан безак бериб, мазали торт тайёрланади.
Ёқимли иштаҳа!
Изоҳ (0)