Бақлажондан пиццага ўхшаш иссиқ егулик тайёрлаб кўринг

Ушбу таом маккажўхори, товуқ филеси, помидор қайласи ва пишлоқнинг жозибадор таъмини ўз ичига олади. Унга ўзингиз ёқтирган кўкатларни ҳам қўшишингиз мумкин.

Керакли масаллиқлар:

• бақлажон — 2 дона
• зайтун ёғи — таъбга кўра
• пишлоқ — 100-150 г
• қайнатилган товуқ филеси — 1 дона
• консерваланган ананас — 100-150 г
• пица қайласи — 5-6 қошиқ
• консерваланган маккажўхори — 4 қошиқ 

1. Ҳар бир бақлажонни узунлиги бўйича уч қисмга бўлинг.
2. Идишнинг устига фольга қоғозини қўйинг ва ёғлаб олинг. Бақлажонни бир қатор қилиб жойлаштиринг ва яна устидан ёғ қуйинг.
3. Бақлажонни 180 даража ҳароратда, 20-25 дақиқа давомида, юмшоқ бўлгунга қадар пиширинг.
4. Пишлоқни қирғичдан ўтказинг. Товуқ ва ананасни майда бўлакларга бўлинг.
5. Ҳар бир сабзавотга қайла солинг. Бақлажоннинг устига товуқ филеси, маккажўхори ва ананасни қўйинг ва охирида пишлоқ қўшинг.
6. Бақлажонни яна 10-15 дақиқа давомида пишириб олинг.

Мавзуга доир:

• Қовурилган товуқ филеси ва сабзавотлардан тайёрланадиган мазали таом рецепти.
• Қовурилган товуқ гўшти ва карамдан тайёрланадиган хуштаъм таом рецепти.
• Помидор, бақлажон ва пишлоқ қўшиб тайёрланадиган макаронли таом рецепти.
• Бақлажон, помидор ва мол гўшти қўшиб пишириладиган хуштаъм таом рецепти.