Товуқ филеси, қовоқча ва помидордан мазали таом тайёрлаб кўринг

Мазали товуқ филеси, юмшоқ қовурилган сабзавотлар ва эритилган пишлоқ, умуман олганда, ушбу таом жуда фойдали ҳисобланади. Унга ўзингиз ёқтирган кўкатларни ҳам қўшишингиз мумкин.

Керакли масаллиқлар:

• товуқ филеси — 4 дона
• туз — таъбга кўра
• мурч — таъбга кўра
• қовоқча — 2 дона
• помидор — 3 дона
• пиёз — 1 дона
• зайтун ёғи — 1-2 қошиқ
• кўкатлар — таъбга кўра
• пишлоқ — 100 г

1. Товуқ филесини ювинг. Ҳар бир бўлакни майда майда қилиб узунасига кесинг. Товуқни туз ва мурч билан аралаштиринг.
2. Қовоқча ва помидорни ингичка бўлакларга, пиёзни эса майдалаб тўғраб олинг. Сабзавотларнинг бир қисмини товуқ филесининг узунасига кесилган жойларига солинг.
3. Қолган сабзавотларга ёғ солиб, товуқнинг устига ён қисмларига жойлаштиринг.
4. Маҳсулотларнинг устига бироз ёғ, мурч ва туз қўшинг. Унинг устига майдаланган кўкатлар ва тўгралган пишлоқ сепинг.
5. Таомни тахминан 25 дақиқа давомида 200 даража ҳароратда пишириб олинг.

Мавзуга доир:

• Помидор қайласи қўшилган бақлажонли ўрама спагетти рецепти.
• Помидор, бақлажон ва саримсоқдан тайёрланадиган витаминга бой салат рецепти.
• Ичига товуқ қиймаси солинадиган мазали бақлажонли рулет тайёрлаймиз.
• Помидор, бақлажон ва пишлоқ қўшиб тайёрланадиган макаронли таом рецепти.