Norvegiya Energetika va neft vaziri Terje Osland, energiya inqiroziga qaramay, mamlakati Yevropa Ittifoqidagi importchilar uchun tabiiy gaz narxini pasaytirmasligini aytdi. Bu haqda “Kommersant” xabar bermoqda.
Vazirning so‘zlariga ko‘ra, Norvegiya hukumati korxonalarga bozor narxlaridan pastroq shartnomalar yuklamaydi. U, shuningdek, Yevropa Ittifoqi 20 yil avval spot shartnomalar foydasiga uzoq muddatli shartnomalar amaliyotidan voz kechganini eslatdi.
18-avgust kuni Norvegiya gazini import qiluvchi Yevropa Ittifoqi kompaniyalari Norvegiyadan “gazni arzonlashtirilgan narxda eksport qilishga rozi bo‘lishni” so‘ragan.
Norvegiyaning davlatga qarashli Equinor kompaniyasi gaz narxining oshishi sharoitida xomashyo eksportidan 2022-yilda taxminan 100 milliard yevro miqdorida foyda olishni rejalashtirmoqda, 2021-yilda uning foydasi 30 milliard yevroni tashkil etgan.
Avvalroq Yevropa Ittifoqi mamlakatlarida elektr energiyasining narxi rekord darajada oshgani haqida xabar berilgandi.
Izoh (0)