Андижонда фуқарони ишга жойлаштириш эвазига пора олган бўлим шифокори қўлга олинди. Бу ҳақда «Дарё» мухбири хабар бермоқда.
Таъкидланишича, Республика шошилинч тез ёрдам илмий маркази Андижон филиалида бўлим шифокори вазифасида ишлаб келаётган Д.Р. фуқаро Д.га юқори лавозимларда ишловчи танишлари ёрдамида ҳамшираликка ишга киритиб қўйишни ваъда қилган. Бунинг учун ундан 1000 доллар талаб қилган. ДХХ ҳамда Бош прокуратура ҳузуридаги департаментнинг вилоят бошқармалари ходимлари томонидан ўтказилган тезкор тадбир давомида Д.Р. мазкур пулларни олаётган вақтда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)