Германия тараққиёт банки — KfW Ўзбекистон соғлиқни сақлаш соҳасини рақамлаштириш учун 45 миллион евро имтиёзли кредит ва 5,5 миллион евро миқдорида грант ажратади. Бу ҳақда банк сайтида қайд этилган.
Соғлиқни сақлаш вазирининг ўринбосари Отабек Фозилкаримов ва KfW минтақавий ваколатхонаси директори Андреас Шнайдер тегишли шартномаларни имзолаган. Мақсад Ўзбекистон аҳолисига тиббий хизмат кўрсатиш сифати ва самарадорлигини ошириш бўйича рақамли ислоҳотларни қўллаб-қувватлашдир.
Бундай чоралар қаторидан тиббиёт ходимларини ахборот технологиялари йўналишида ўқитиш, диагностика ва даволаш жараёнларини жадаллаштириш имконини берувчи беморларнинг электрон базасини яратиш кабиларни ҳам ўз ичига олган.
«Ўзбекистонда соғлиқни сақлаш тизимида камчиликлар мавжуд бўлиб, улар айниқса коронавирус инқирози даврида яққол намоён бўлди. Самарали IT инфратузилмасини яратиш орқали соғлиқни сақлаш тизимини сезиларли даражада яхшилаш мумкин. Бу, айниқса, аҳолининг кам таъминланган қатламлари учун жуда муҳим», — деб қайд этган KfW Bankengruppe бошқарув кенгаши аъзоси Кристиан Лаибач.
Изоҳ (0)