Узоқ муддат учун озиқ-овқат сотиб олишга одатланганмисиз ёки керак бўлгандан кўра кўпроқ таом пиширасизми? Ортиқча нарсаларни ташлашга шошилманг, уларнинг кўпчилиги совиткичда мукаммал сақланади. «Новий очаг» нашри совиткичда узоқ вақт давомида сақлаш қулай бўлган маҳсулотлар номини маълум қилди.
-18 даража ҳароратда микроорганизмларнинг таъсири тўхтайди ва музлатилган маҳсулот таъмини ва кўплаб фойдали элементларни йўқотмасдан узоқроқ сақланади.
Музлатилган маҳсулотни қанча вақт сақлаш мумкин ва уни қандай қадоқлаш керак?
Маҳсулотга қараб, сақлаш муддати икки ойдан бир йилгача давом этади. Музлатиш учун маҳсулотларни кичик пакет ва идишларга, қисмларга бўлиб қадоқлаш қулайроқ бўлади. Шунда керакли миқдорни олиш мумкин ва катта пакетни муздан туширишнинг кераги бўлмайди.
Пишлоқ
Қирғичдан ўтказиш ёки бўлакларга бўлиш мумкин. Кўпчилик пишлоқни совиткичда хавфсиз сақлаш мумкинлигини билмайди. Агар бир вақтнинг ўзида катта бўлак ҳолида қўйилса, муздан эритиш бироз қийинлашади. Аммо уни бўлакларга бўлиш учун идишга солиб, озгина ун сепиш керак. Шундагина муздан эригандан кейин қисмлар бир-бирига ёпишмайди.
Ёнғоқлар
Совиткич ёнғоқларни аччиқ таъмдан қутқаради. Ёнғоқлар қуриб кетишининг олдини олиш учун уларга совиткич ёрдам беради, бу эса ёнғоқ таркибидаги ёғнинг бузилишини олдини олади. Агар сиз бир вақтнинг ўзида катта миқдорда ёнғоқ сотиб олган бўлсангиз, бу уларни узоқроқ сақлаш учун яхши имкониятдир.
Банан
Музлатилган бананлар коктейллар учун мукаммал маҳсулот бўлиб, музга муҳтож бўлмасдан унга қуюқ, қаймоқли таъм беради. Шунинг учун бананларни қорайиб кетмасидан аввал совиткичга қўйиш тавсия этилади.
Гуруч
Гуруч музлатилганида ўз таъмини йўқотади, дейишади. Лекин буни ўзингиз синаб кўришингиз мумкин. Қайнатилган гуручни пакетларга солиб, музлаткичга қўйиш керак. Сўнгра ундан фойдаланишда иссиқ сув қўшиб, муздан эритиш мумкин. Совиткичга қўйишдан аввал маҳсулот пиширилган бўлса, аввал уларни хона ҳароратида совитиб олиш лозим.
Маккажўхори
Маккажўхори совуқ сув остида ювилади ва музлаткичга қўйилади. Уни муздан эритиш учун эса совиткичдан олиниб, иссиқ сувга солинади.
Томат пастаси
Помидорлар музлатиш учун мос эмас, чунки муздан эритилганда улар пюрега айланади. Аммо томат пастаси музлатиб қўйилса, уни шўрва ва асосий таомлар учун ишлатиш мумкин. Бунинг учун саримсоқ, помидор, зиравор ва озгина зайтун мойи керак бўлади. Барча ингредиентлар аралаштирилади ва тахминан 4 соат давомида паст оловда пиширилади.
Сут
Сут совиткичда 3 ой давомида сақланиши мумкин. Асосийси, шиша ёки бошқа қадоқлар сақлаш вақтида ёрилиб кетмаслиги керак, чунки музлатилган ҳолда суюқлик ҳажми кенгаяди. Сутни муздан эритиш учун уни хона ҳароратида қолдириш ёки сутни тезроқ муздан тушириш учун идишни илиқ сувга солиш мумкин.
Нон
Агар керагидан кўпроқ нон сотиб олган бўлсангиз, уни моғор бўлгунча ёки қотиб қолишини кутмасдан музлатиб қўйиш керак. Вариантлардан бири уни бўлакларга бўлиб музлатишдир. Совиткичда нон фольга ичида сақланиши мумкин ва тезда муздан эритиш учун печга ёки микротўлқинли печга қўйиш кифоя.
Сабзавот, резавор ва мевалар
Албатта, уларни ёзда музлатиш мантиқан тўғри. Аввал резавор ёки меваларни пергамент қоғозига, шундан кейингина пакетларга жойлаш мумкин. Шундагина улар муздан эриганда улар бир-бирига ёпишмайди. Агар смузиларни яхши кўрсангиз, мева ва резаворлар аралашмасини олдиндан тайёрлаш ва музлатиб қўйиш мумкин. Бу коктейл тайёрлашда вақтни тежайди.
Сариёғ
Музлатилган сариёғ ўз таъмини йўқотмайди. Совиткич сариёғи ошпазларнинг махфий қуролидир. Таомларни безаш учун қирғичдан ўтказиш осон. Сариёғни пакетга солиб ёки фольгага ўраб, музлатиб қўйиш мумкин.
Котлетлар
Қийма бир ой давомида совиткичда сақланади. Қийма билан хоҳлаганча тажриба қилиб кўринг, чунки рецептлар жуда кўп, энг муҳими, бундай котлетларни исталган вақтда совиткичдан олиб, товада оддийгина қовуриш мумкин.
Кўкат ва зираворлар
Кўкатларни музлатиш учун улар қуритилади, майда тўғралиб, совиткичга қўйилади. Кўкатлар бироз музлагандан кейин уларни кичик пакетларга солиш мумкин. Яна бир вариант — сотиб олинган кўкатларни ювиш, майда тўғраш ва муз қолипларига жойлаштириш. Шўрва пиширганда, таомга лаззат ва хушбўйлик бериш учун қайнаб турган бульонга кўкатларни қўшиш кифоя.
Изоҳ (0)