Кир ювиш машинасини ёмон ҳиддан тозалашнинг синалган усуллари

Қуйида кир ювиш машинаси нима учун ёмон ҳидланиши ва қандай воситалар муаммони ҳал қилиши мумкинлиги ҳақида билиб оласиз.

Кир ювиш машинасидан ёмон ҳидни қандай кетказиш мумкин?

Сирка ёрдамида

Сирка кислотаси доғ, моғор, чўкинди билан яхши курашади, мукаммал дезинфекция қилади, ички қисмларга зарар бермайди. Лотокка икки ош қошиқ тозалагич қўшинг, ювиш даврини 90 градусга қўйинг. Стартдан сўнг пауза тугмасини босиб, 45-60 дақиқадан сўнг жараённи давом эттириш керак. Машинанинг барча қисмларини сиркали сув билан артиш ҳам фойдалидир: барабан, резина, лоток. Тозалашдан сўнг бўш режимни ишга тушириш тавсия этилади.

Ичимлик содаси ёрдамида

Сода дезинфекцияловчи таъсирга эга, шилимшиқ, кир ва моғордан халос бўлишга ёрдам беради. Профилактик мақсадларда кир ювиш кукуни билан бирга бир ош қошиқ сода қўшишингиз мумкин. Агар машинадан кучли, доимий ҳиди келаётган бўлса, унда лотокка 6 ош қошиқ сода қуйишингиз керак, нозик ювиш режимини 30 даража ҳароратда бошланг. Шундан сўнг ҳароратни 60 даражага кўтаринг, бир қошиқ сирка қўшинг, яна бир марта қурилмани бўш режимга ўтказинг.

Лимон кислотаси ёрдамида

Ушбу восита иситиш қурилмасидаги қасмоқни кетказишга ёрдам беради, шунингдек, дезинфекциялаш хусусиятига эга. Лимон кислотаси (100 г) кукун бўлинмасига қуйилиши керак, 90 даража ҳароратни танланг, автоматик машинани бўш режимга қўйинг. Жараён охирида резина тасмани қуитиб, эшик ва лотокни очиқ қолдириш тавсия этилади.

Идиш ювиш таблеткалари ёрдамида

Таблеткалар аслида идишларни ёғ ва озиқ-овқат кирларидан тозалаш учун мўлжалланган, патоген флорани ўлдиради, зангдан ҳимоя қилади. Идишларни ювиш учун мўлжалланган таблеткаларни кир ювиш машинасини тозалаш учун ҳам ишлатилиши мумкин. 5 та таблеткани солиб, ювиш режимини 90 градусда ёқинг, ювишни бошланг. Шундан сўнг машина эшигини очиқ қолдиринг.

Идиш ювадиган гел ёрдамида

Ҳиди биринчи марта пайдо бўлганда, машинани идиш ювиш воситаси билан тозалашингиз мумкин. 1 ош қошиқни бир литр илиқ сувда эритиб, матони намланг ва барча муаммоли жойларни артинг. Кўпикни тоза сув билан ювиб ташланг, қуриб артиб олгача, люк ва лотокни очиқ қолдиринг.

Кимёвий воситалар ёрдамида

Агар халқона усуллар ёрдам бермаса, кир ювиш машиналари учун махсус кимёвий моддалардан фойдаланишингиз мумкин. Ишлатишдан олдин қурилмага зарар етказмаслик учун кўрсатмаларни диққат билан ўқиб чиқишингиз ва тавсияларга қатъий амал қилишингиз лозим.

Комплекс тозалаш

• Резина тасмани (моғор ҳидининг манбайи) сирка билан ювинг.
• Лоток ва ташқи юзани тиш чўткаси ва кир совун билан тозаланг.
• Фильтрни тозаланг. Кирни олиб ташлаб, оқаётган сув остида ювинг. Ишлаб чиқарувчилар буни йилига бир неча марта қилишни маслаҳат беришади.
• Дренаж шланги тиқилиб қолганлигини текширинг. Бир учини челакка ботириб, иккинчиси орқали кучли босимда сув юборинг.

1. Ҳар бир ювишдан кейин манжетни артиб олинг, барабанни қуритинг, люк ва лотокни очиқ қолдиринг.
2. Лотокда қолдиқ тўпланмаслиги учун кир ювиш кукуни ва мато юмшатгичнинг тўғри дозасини танланг.
3. Кир ювиш машинасининг фильтрини тозаланг, ювинг ва вақти-вақти билан максимал ҳароратда бўш ювиш режимини ўтказинг.
4. Ювишдан олдин кийим чўнтакларини текширинг, туклар, жун, сочлар ва майда нарсаларни олиб ташланг.