Агар ушбу лайфхаклар амалда қўлланилса, ҳаммомни тоза ва тартибли сақлаш учун кўп ҳаракат талаб этилмайди. «Новий очаг» нашри бекажонлар учун ажойиб лайфхаклар тақдим этди.
Соқол олиш учун гел
Кичкина миқдордаги соқол олиш учун мўлжалланган гел косметик воситалардан қолган доғларни осонгина кетказади. Доғ устига бир ёки икки томчи гел қуйилиб, уни 10 дақиқага қолдириш лозим. Шундан сўнг оддий губка билан артилади. Кийимларни эса кир ювиш машинасида ювиш мумкин.
Сув пуркагич
Агар сув пуркагич ёки жўмракдан сув яхши оқмаса, ажраткичда хлор ҳосил бўлган бўлиши мумкин, бу эса тешикларни беркитиб, сувнинг эркин оқиб кетишига тўсқинлик қилади. Бунинг учун сув ва сирка солинган идиш ёки пакет ичига сув пуркагич боғланади. Эритма таъсир қилиши учун сиркали пакетни бир кечага қолдириш керак.
Меламин губка
Ванна ва душнинг деворларидан кир ва буғланишдан кейин қолган қопламани олиб ташлаш имконини берувчи қулай восита. Душ қабул қилишдан олдин меламин губкаси ёрдамида бир зумда улардан қутулиш мумкин.
Қийин жойлар учун хитой таёқчалари
Жўмрак ва бошқа тор жойлардаги кирни тозалаш учун яхши восита. Тозалаш матоси таёқчага ўралади ва юзалар артиб олинади. Бундан ташқари, ҳаво алмаштиргич тешиклари учун ҳам ушбу таёқни ишлатиш мумкин, чунки бу ерда жуда кўп чанг тиқилиб қолади.
Ойна тозалагич
Душ қабул қилаётганда ҳаммом кўзгуларининг хиралашишига йўл қўймаслик учун соқол креми ёрдам беради. У ойна юзасига юпқа қатлам билан қўлланади ва микрофибер мато билан артиб олинади. Айтганча, соқол креми автомобилларда кўзойнак ёки орқа кўзгуларни артиш учун ҳам ишлатилиши мумкин.
Ванна тозалаш учун аспирин
Бир нечта аспирин таблеткалари ваннани махсус восита каби тозалаши мумкинлигини биласизми? Аспирин таркибидаги салицил кислотаси туфайли ажойиб натижага эришилади. Шундай қилиб, агар ваннани тозалаш воситаси тугаса, иккита таблеткани сувда майдалаб, одатдагидек тозалашни бошлаш керак. Аспирин ҳар қандай тозалаш кукуни ёки гели каби раковиналарда ҳам ишлатилиши мумкин.
Зангламайдиган пўлатдан ясалган жўмраклар
Уларни соқол креми билан тозалаш жуда осон, у тоза латта ёки губкага қўлланади. Крем таркибидаги эмулсификаторлар ва фаол моддалар ҳар қандай зангламайдиган пўлатдан ясалган маҳсулотларни кимёвий моддалардан фойдаланмасдан парвариш қилиш имконини беради.
Чақалоқ мойи
Оддий чақалоқ ёғи латта устига қўлланади ва душдаги барча жиҳозлар артиб олинади. Ёғ кирларни эритади ва уни тезда тозалаб олиш имконини беради. Сўнгра қуруқ латта билан артиш давомида озроқ чақалоқ ёғидан фойдаланилса, жиҳозларни янгидек кўринишга келтиради.
Изоҳ (0)