Uzbekistan Airways 12 сентябрдан 20 сентябргача Самарқанд аэропортидан амалга ошириладиган қатор рейслар бекор қилинганини эълон қилди.
Авиакомпания матбуот хизматининг хабар беришича, шу вақт давомида қуйидаги йўналишдаги рейслар бекор қилинади:
- HY041/042, HY043/044, Тошкент—Самарқанд—Тошкент;
- HY275/276 Самарқанд—Истанбул—Самарқанд;
- HY605/606 Самарқанд—Москва—Самарқанд;
- HY767/768 Самарқанд—Олмаота—Самарқанд;
- HY639/640 Самарқанд—Санкт-Петербург—Самарқанд;
- HY9606/9605 Москва—Самарқанд—Москва.
Маълумот учун, 15—16 сентябрь кунлари Самарқанд Шанхай ҳамкорлик ташкилотининг навбатдаги саммитида мезбонлик қилади.
Шанхай ҳамкорлик ташкилотининг Самарқанд саммити Эрон 2021 йил сентябрида ташкилотга тўлақонли иштирокчи сифатида қўшилганидан бери биринчиси бўлади. ШҲТга аъзо давлатлар: Ўзбекистон, Хитой, Россия, Қозоғистон, Қирғизистон, Тожикистон, Покистон, Ҳиндистон ва Эрон. Афғонистон, Мўғулистон ва Беларусь ташкилотда кузатувчи, Туркия эса мулоқот бўйича ҳамкор сифатида иштирок этади.
Саммитда ташкилотга аъзо кўплаб давлатлар билан умумий чегарага эга Афғонистондаги вазият ҳар томонлама муҳокама қилинади ва муҳим қарорлар қабул қилиниши кутилмоқда.
Изоҳ (0)