Фарғона вилояти Фарғона шаҳрида 6 август куни гашиш гиёҳвандлик моддаларини сақлаган шахс қўлга тушди. Бу ҳақда вилоят Ички ишлар бошқармаси хабар қилди.
Қайд этилишича, шу куни вилоят ИИБ ППХ ходимлари томонидан тезкор тадбир ўтказилган. Тадбир давомида Й.У. исмли фуқаро Шароф Рашидов кўчасида ўзини шубҳали тарзда тутгани учун ёни холислар иштирокида кўздан кечирилган.
Натижада гашиш гиёҳвандлик моддасини сақлаб келаётгани аниқланиб, далилий ашё тариқасида олинган.
Ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 276-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Маълумот учун, юқорида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Изоҳ (0)