Бухоро шаҳрида ташкил этилган «Орият» тезкор профилактик тадбирида фоҳишахона фаолияти фош этилди. Бу ҳақда вилоят ички ишлар бошқармаси ахборот хизмати хабар берди.
Қайд этилишича, бугунги кунда Бухоро вилоятининг барча ҳудудлари бўйлаб «Хавфсиз ҳудуд» кенг қамровли профилактик тадбирлари амалга ошириб келинмоқда. Жумладан, жараён давомида Шофиркон туманида яшовчи, 1999 йилда туғилган Р.Л. исмли қиз Р.Ж., Р.М. ва Н.З. исмли йигитларни танишлари А.С., Х.Р. ва А.Ш. исмли қизлар билан учраштирмоқчи бўлгани аниқланган.
У таниш ҳамкори Т.З. исмли аёл вақтинча ижарада яшаб келаётган Бухоро шаҳри Пиридастгир кўчасидаги хонадонлардан бирига олиб бориб, уларнинг жинсий алоқада бўлишлари учун шарт-шароит яратиб, бунинг эвазига 800 минг сўм пулларни олиб, қўшмачилик ҳамда фоҳишахона сақлаш жиноятларини содир қилгани фош этилган.
Ҳолат юзасидан шаҳар ИИО ФМБ томонидан Жиноят кодексининг 131-моддаси (қўшмачилик қилиш ёки фоҳишахона сақлаш) 4-қисми билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)