Buxoro shahrida tashkil etilgan “Oriyat” tezkor profilaktik tadbirida fohishaxona faoliyati fosh etildi. Bu haqda viloyat ichki ishlar boshqarmasi axborot xizmati xabar berdi.
Qayd etilishicha, bugungi kunda Buxoro viloyatining barcha hududlari bo‘ylab “Xavfsiz hudud” keng qamrovli profilaktik tadbirlari amalga oshirib kelinmoqda. Jumladan, jarayon davomida Shofirkon tumanida yashovchi, 1999-yilda tug‘ilgan R.L. ismli qiz R.J., R.M. va N.Z. ismli yigitlarni tanishlari A.S., X.R. va A.SH. ismli qizlar bilan uchrashtirmoqchi bo‘lgani aniqlangan.
U tanish hamkori T.Z. ismli ayol vaqtincha ijarada yashab kelayotgan Buxoro shahri Piridastgir ko‘chasidagi xonadonlardan biriga olib borib, ularning jinsiy aloqada bo‘lishlari uchun shart-sharoit yaratib, buning evaziga 800 ming so‘m pullarni olib, qo‘shmachilik hamda fohishaxona saqlash jinoyatlarini sodir qilgani fosh etilgan.
Holat yuzasidan shahar IIO FMB tomonidan Jinoyat kodeksining 131-moddasi (qo‘shmachilik qilish yoki fohishaxona saqlash) 4-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)