Қорақалпоғистонда Давлат экология қўмитаси ва Falcon hunting solutions компанияси томонидан Ўзбекистон Қизил китоби ҳамда халқаро Қизил китобга киритилган ва йўқолиб кетиш хавфи остида турган ноёб қуш йўрға тувалоқлардан яна 672 таси Устюрт текислиги ҳудудига қўйиб юборилди.
Қўмита матбуот хизмати маълумотларига кўра, Йўрға тувалоқ Ўзбекистонда асосан Қизилқум чўлида, Ўзбекистондан ташқарида Қозоғистон, Туркманистон, Тожикистон, Кавказ орти, Миср, Ғарбий Осиё, Мўғулистонда уялайди.
Чўлларга баҳорга яқин учиб келади. Ҳар бири 2, 3 донадан тухум қўяди ва 21, 25 кун давомида босиб ётади. Полапонлари июнь июль ойларида уча бошлайди.
Айни пайтда Ўзбекистонда бу ноёб қушларни махсус питомникларда кўпайтириб, табиат бағрига қўйиб юбориш ишлари йўлга қўйилган.
Эслатиб ўтамиз, апрель ойида 504 та, июнда эса 402 та йўрға тувалоқ Устюрт текислигига қўйиб юборилганди.
Изоҳ (0)