Бухоро вилояти Ғиждувон туманидаги 3 та мактаб директорлари рағбатлантириш сифатида Дубайга саёҳатга юборилди. Бу ҳақда Халқ таълими вазирлиги ахборот хизмати хабар берди.
Таъкидланишича, туман ҳокимининг ташаббуси билан халқ таълими тизимида янгича ёндашувлар жорий этилиб, ўқувчи ва ўқитувчиларни рағбатлантириш бўйича ташаббуслар илгари сурилмоқда.
Хусусан, туман ҳокимлиги томонидан йил давомида «5 ташаббус олимпиадаси доираси», «Ҳоким олимпиадаси», «Бир ойда иккита китоб ўқийман» каби кўрик танловларда юқори ўринларни қўлга киритган директорлар, жумладан, 13-мактаб директори Достон Рустамов, 14-мактаб директори Ҳотам Ҳасанов, 17-мактаб директори Ҳокима Идиеванинг Дубайга бепул саёҳати ташкиллаштириб берилди. Мактаб директорлари 8 августдан 14 августгача Дубай шаҳрига саёҳат қилиб, Ўзбекистонга қайтди.
«Ўқитувчи шаънини нақадар улуғларга кўтарганингиз учун, бизга берилган шу қадар эътибор учун сизга миннатдорчилик билдираман», — деди Ҳокима Идиева.
Изоҳ (0)