Фарғона вилояти Қува туманида назоратсиз юрган 12 нафар вояга етмаган бола аниқланиб, вояга етмаганларга ижтимоий-ҳуқуқий ёрдам кўрсатиш марказига жойлаштирилди. Бу ҳақда вилоят ички ишлар бошқармаси ахборот хизмати хабар берди.
Маълум қилинишича, вилоят бўйлаб ҳамкор ташкилотлар билан биргаликда жиноят ва ҳуқуқбузарликларнинг олдини олишга қаратилган долзарб 40 кунлик тадбирлар доирасида Қува туманида ҳам кундузги ва тунги профилактик тадбирлар амалга оширилмоқда.
Туман ҳудудида фаолият юритаётган кўнгилочар, кўча ва жамоат жойларида олиб борилган рейд тадбирлари давомида Андижон вилояти Шаҳрихон тумани ва Тошлоқ туманидан келиб, назоратсиз юрган 12 нафар вояга етмаган бола аниқланиб, улар томонидан келгусида жиноят ва ҳуқуқбузарликлар содир этилишининг олдини олиш мақсадида вояга етмаганларга ижтимоий-ҳуқуқий ёрдам кўрсатиш марказига жойлаштирилди. Тадбирлар жойларда давом этмоқда.
Изоҳ (0)