Германияда электр энергияси ва истеъмол товарлари нархларининг сезиларли даражада ошиши қашшоқликда яшовчи болалар сонининг кўпайишига олиб келади. Бу ҳақда «ТАСС» хабар бермоқда.
Болалар қашшоқлигининг тарқалиш хавфи юқори. Иситиш, транспорт ва озиқ-овқат нархларининг ошиши айниқса, оила бюджетига катта зарба берди, — дейди Германиянинг Оила, кексалар, аёллар ва ёшлар билан ишлаш вазири Лиза Паус.
Пауснинг сўзларига кўра, энергия инқирози шароитида ҳукумат аҳолини қўллаб-қувватлаш бўйича аллақачон қўлланилган чора-тадбирлар пакетини кенгайтириши керак.
Унга кўра, самарали ечим — Германиядаги барча оилаларга тегишли бўлган болалар нафақалари миқдорини зудлик билан оширишдир.
Август ойида Германия Федерал Статистика бошқармаси энергия нархининг ошиши яна юқори инфляциянинг асосий сабаби бўлганини маълум қилди.
Вазирлик маълумотларига кўра, июль ойида истеъмол нархлари ўтган йилнинг шу ойига нисбатан 7,5 фоизга, озиқ-овқат маҳсулотлари эса 14,8 фоизга ошган.
Бундан ташқари, Германия коронавирус пандемиясининг глобал оқибатларини, хусусан, кенг турдаги товарларни етказиб бериш занжирларининг узилишини бошдан кечирмоқда, бу ҳам инфляциянинг тезлашишига ёрдам беради.
Аввалроқ Россия таъминотни тўхтаца, Германиядаги газ заҳираси 3 ойга ҳам етмаслиги ҳақида хабар берилганди.
Изоҳ (0)