Энергетика инқирози кучайиб борар экан, жаҳон иқтисодиётининг асосини ташкил этувчи бирламчи саноат тармоқларига босим ҳам тобора ортиб бормоқда. Бу ҳақда Bloomberg агентлигига таяниб, «ТАСС» хабар берди.
Агентликнинг маълум қилишича, саноат металлари, пўлат, ўғит ва шакар ишлаб чиқариш билан шуғулланувчи энергияни кўп талаб қиладиган тармоқ вакиллари заводларни ёпишга мажбур бўлмоқда.
Вазият вақт ўтиши билан янада оғирлашиши мумкин, чунки қишда газ танқислиги янада сезиларли бўлади.
Бу ўн йилликлар ичида яшаш нархининг энг ёмон ҳолатига келиб қолган уй хўжаликларига таъсир қилиши ва иқтисодиётни рецессияга олиб келиши мумкин.
Bloomberg таъкидлашича, ўтган йил давомида Европа ўзининг рух ва алюминий эритиш қувватининг ярмини йўқотган.
Норвегиянинг энг йирик алюминий маҳсулотлари ишлаб чиқарувчиси Norsk Hydro аллақачон сентябрь ойи охирида Словакиядаги алюминий эритиш заводини электр энергияси нархи ошиши сабабли ёпишни режалаштираётганини маълум қилган.
Бельгиянинг Nystar компанияси Нидерландиядаги рух заводини ёпаётганини эълон қилди.
Американинг энг йирик алюминий ишлаб чиқарувчиси Century Aluminium шу йил бошида Кентуккидаги заводини вақтинча ёпишга мажбур бўлди.
Заводлар ёпилишига юқори энергия нархлари сабаб бўлмоқда ва бунинг ортидан корхоналар ўз-ўзини қоплай олмаяпти.
Бундан ташқари, АҚШнинг камида иккита пўлат заводи ишлаб чиқаришни чеклашни бошлади ва Буюк Британиядаги British Стеел заводи ўз нархларини оширди.
Ўғит ишлаб чиқариш учун Европага ҳам газ керак. Европа давлатлари аллақачон азотли ўғитлар ишлаб чиқариш қувватларининг камида тўртдан бир қисмини йўқотган.
Халқаро ўғитлар ассоциацияси 2008 йилдан бери ўғит истеъмолининг энг жиддий қисқаришини кутмоқда.
Энергия инқирози шакар ишлаб чиқаришга ҳам салбий таъсир кўрсатади. Германиянинг Suyedzucker шакар корпорацияси Россиядан газ етказиб бериш тўхтатилса, бошқа энергия манбаларига ўтиши мумкинлиги ҳақида огоҳлантирган бўлса-да, таҳлилчиларнинг фикрича, бу келажакда шакар нархининг янада ошишига олиб келади.
Изоҳ (0)