Июль ойи давомида Европанинг олтита йирик давлати Украинага ҳеч қандай ҳарбий ёрдам таклиф қилмади, бу мамлакатда уруш бошланганидан бери биринчи ҳолат. Бу ҳақда Politico хабар бермоқда.
Апрель ойи охиридан бошлаб Европа давлатларидан Украинага ҳарбий ёрдам кўрсатиш ҳажмининг пасайиш тенденцияси кузатилган.
Қайд этилишича, 11 август куни «Копенгаген – Украина – 2022» донор конференциясида иштирок этувчи давлатлар Украинага қурол сотиб олиш учун 1,5 млрд евро ажратишга келишиб олган, бироқ бу маблағ аввалги миқдорларга нисбатан «арзимас» кўринади.
Ҳарбий ҳаракатлар муҳим босқичга кирган бўлса-да, янги ёрдам ташаббуслари йўқолиб бормоқда, — дейди Ukraina Support Tracker дастурини тузувчи гуруҳ раҳбари Кристоф Требеш.
Требеш, шунингдек, Европа Иттифоқи Украинани қўллаб-қувватлашдан кўра, коронавирус пандемиясининг оқибатларини бартараф этиш учун кўпроқ маблағ ажратаётганини таъкидлади.
Аввалроқ Ғарб давлатлари Украинага ҳарбий эҳтиёжлар учун 1,5 миллиард евро ваъда қилгани ҳақида хабар берилганди.
Изоҳ (0)