Ижтимоий тармоқларда 17 август куни «Бухоро вилоят ИИБ ва Хосиятбону Барнаевага алангали салом!» сарлавҳаси остида хабар жойлаштирилган эди. Вилоят ички ишлар бошқармаси ҳолат юзасидан расмий маълумот берди.
Тарқалган хабарда ижтимоий тармоқда Хосиятбону Барнаева номи билан саҳифа очиб, ўзбекистонликларни Италияга қочқин сифатида 5 минг доллар эвазига юбормоқчи бўлаётган номаълум шахс махсус рухсатномага эга ёки йўқ экани ҳақида сўз борган.
Биз унга мижоз сифатида мурожаат қилганимизда ўзининг уяли алоқа рақамини (юқоридаги ёзишмалар скриншотида келтирилган +99899 041 70 22) ҳам қўрқмасдан бермоқда. Демак, уни қўлловчи раҳнамолари бор, деган гумондамиз. Катта эҳтимол билан у шахс Бухородан. Бухоро вилоят ИИБ шу иш билан мабодо шуғуллана олса, расмий маълумот беради деган умиддамиз. Ҳар ҳолда, ҳали алданиб қолганлар кўп бўлмаса керак, — дейилади унда.Вилоят ИИБга кўра, ушбу хабарда кўрсатилган масала бўйича мурожаат келиб тушмаган. Ҳозирда мазкур ҳолатга аниқлик киритиш мақсадида суриштирув ҳаракатлари олиб борилмоқда. Ҳолат юзасидан қўшимча маълумот берилади.
Изоҳ (0)