Ўзбекистон тижорат банкларида доллар курси яна 11 минг сўмдан ошди

Ўзбекистондаги бир нечта тижорат банклари 17 август, чоршанба куни доллар валютасининг сўмга нисбатан курсини оширди.

Марказий банкнинг берган маълумотларида долларнинг сўмга нисбатан қиймати 17 август ҳолати бўйича 10 970 сўмни ташкил қилмоқда.  Аксарият тижорат банклари 1 АҚШ долларини 11 025 сўмга сотишни таклиф қилмоқда.

Қуйида долларнинг янги қийматини эълон қилган айрим банклар келтирилган:

• «Тенгебанк»: сотиб олиш — 10 960 сўм, сотиш — 11 025 сўм;
• NBU: сотиб олиш — 10 965 сўм, сотиш — 11 025 сўм;
• «Ҳамкорбанк»: сотиб олиш — 10 970 сўм, сотиш — 11 025 сўм;
• «Даврбанк»: сотиб олиш — 10 970 сўм, сотиш — 11 025 сўм;
• Asia Alliance Банк: сотиб олиш — 10 980 сўм, сотиш — 11 025 сўм;
• «Капиталбанк»: сотиб олиш — 10 980 сўм, сотиш — 11 025 сўм;
• «Халқ банки»: сотиб олиш — 10 950 сўм, сотиш — 10 990 сўм.