Қарши давлат университети ҳудудидаги дарахтлар ноқонуний кесиб ташланди, дея хабар бермоқда «Экологуз» Telegram-канали.
2021 йилда, 2022 йил январь ойида қимматбаҳо дарахтларни ноқонуний кесилиши туфайли университетда 238 миллион сўм ва 59 миллион сўмдан ошиқ давлатга зарар етказган шахслар таълим даргоҳининг комендантлари ва қоровули бўлиб чиқди.
Университет ҳудудидан дарахт кесилиши юзасидан Экология ва атроф-муҳитни муҳофаза қилиш давлат қўмитасидан комиссия келиб, ҳолатни ўрганган.
«Аммо ўрганиш давомида Ўзбекистон Республикаси президентининг 2021 йил 30 декабрдаги 46 -сонли фармони талабларига риоя қилинмагани кўринади. Яъни жарима ва зарарлар тўғри ҳисобландими?
Университет маъмуриятининг дарахтларни кесиш борасидаги мурожаатларига 3 марта Қашқадарё вилояти Экология ва атроф-муҳитни муҳофаза қилиш бошқармасидан рад жавоби берилган. Лекин барибир дарахтлар кесиб ташланган.
Энг ачинарлиси, мурожаатчидан университетда 2022 йил 12 август ҳолатига кўра яна қимматбаҳо дарахтларни ноқонуний кесилишига йўл қўйилаётганлиги ҳақида хабар келди.
Қарши давлат университетида қимматбаҳо дарахтларнинг сурункали кесилишига йўл қўйиб берилаётганлиги ҳолати тўхтатилишини ва Ўзбекистон Республикаси қонунлари, президент томонидан ‘Яшил макон’ лойиҳаси доирасида қабул қилинган 2021 йил 31 декабрдаги 46 -сонли фармонида кўрсатилган ҳар бир банд бўйича экология инспекторлари ва университет мансабдорларининг хатти- ҳаракатларига ҳуқуқий баҳо берилишини сўраймиз», — дейилади хабарда.
Изоҳ (0)