Тошкетнинг Учтепа туманида ЙПХ инспекторлари томонидан тўхтатилган машина салонидан қурол топилди. Бу ҳақда пойтахт ИИББ Йўл ҳаракати хавсизлиги бошқармаси хабар берди.
Маълум қилинишича, 14 август куни соат 22:00 ларда Учтепа туманида хизмат олиб бораётган ЙПХ инспекторлари томонидан туманнинг Лутфий кўчаси бўйлаб ҳаракатланиб келаётган Д.Р. бошқарувидаги (1986 йилда туғилган) Lacetti тўхтатилиб, холис ва гувоҳлар иштирокида текширилганда, олд ўнг томон ўриндиқ остки қисмидан пневматик тўппонча ва ўқлари топилган.
Мазкур ҳолат юзасидан тегишли ҳужжатлар расмийлаштирилиб, ҳайдовчи Д.Р. ҳамда аниқланган пневматик тўппонча ва ўқлари Учтепа тумани ИИО ФМБга топширилган.
Изоҳ (0)