Toshketning Uchtepa tumanida YPX inspektorlari tomonidan to‘xtatilgan mashina salonidan qurol topildi. Bu haqda poytaxt IIBB Yo‘l harakati xavsizligi boshqarmasi xabar berdi.
Ma’lum qilinishicha, 14-avgust kuni soat 22:00 larda Uchtepa tumanida xizmat olib borayotgan YPX inspektorlari tomonidan tumanning Lutfiy ko‘chasi bo‘ylab harakatlanib kelayotgan D.R. boshqaruvidagi (1986-yilda tug‘ilgan) Lacetti to‘xtatilib, xolis va guvohlar ishtirokida tekshirilganda, old o‘ng tomon o‘rindiq ostki qismidan pnevmatik to‘pponcha va o‘qlari topilgan.
Mazkur holat yuzasidan tegishli hujjatlar rasmiylashtirilib, haydovchi D.R. hamda aniqlangan pnevmatik to‘pponcha va o‘qlari Uchtepa tumani IIO FMBga topshirilgan.
Izoh (0)