Молиявий саломатлик бу – бизнинг пулдан қандай фойдаланишимиздир. Сиз маошингизни маошингизга улаб яшайсизми ёки у бироз тежаш учун ҳам етяптими? Режадан ташқари кир ювиш машинасини сотиб олишга имконингиз борми ёки уни харид қилишни кейинроққа қолдиришингизга тўғри келадими? Омонатларингизни-чи, уйда сақлайсизми ёки банкда омонат очганмисиз?
InfinBank’нинг кредит, бозор ва операцион рискларни назорат қилиш бўйича мутахассиси Сарвар Аллаберганов фикрича, ҳатто шу оддий саволларга бериладиган жавоблар ҳам инсоннинг молиявий фаровонлиги ҳақида умумий тасаввур ҳосил қилиш учун етарли.
Ва агар пул билан амалга ошириладиган ҳаракатлар олдиндан режалаштирилган ва мақсадга мувофиқ эмас, балки ижтимоий тармоқлардаги қисқа муддатли ҳикояларга ўхшаб қолса, у ҳолда, бундай молиявий хатти-ҳаракатлар ҳеч ҳам хавас қилгулик эмас ва уларни зудлик билан ўзгартириш керак. Бахтимизга, молиявий cаломатлигимизни ҳеч бўлмаганда «барқарор» ҳолатга келтиришга қодир кўплаб воситалар мавжуд. Гарчи, улар сеҳрли таёқчадек мўъжиза кўрсатмаса-да, жуда оз нарсани – фақат масъулият ва маълум бир меъёрларга амал қилишни талаб қилади.
Биринчи қоида: хавфсизлик ёстиқчасини яратинг
Молиявий хавфсизлик ёстиқчасисиз молиявий саломатлик ҳақида ғамхўрлик қилиш имконсиз. Идеал ҳолатда, у шундай бўлиши керакки, даромад манбаларидан маҳрум бўлган тақдирда ҳам сиз одатдаги турмуш тарзингиздан воз кечмасдан бир неча ой давомида ўзингизни таъминлай олишингиз керак.
Уни шакллантиришга ёрдам берадиган нарса бу жамғарма бўлиб, уларни инфляциядан қутқариш ва ҳатто фойда келтиришини ҳам таъминлашнинг энг яхши усули бу – омонат очиш. InfinBank’да ҳам сўмдаги, ҳам хорижий валютадаги депозитларни очиши мумкин. Омонат турини танлаётганда, биринчи навбатда унинг муддати ва йиллик фоиз тўловларига эътибор қаратиш лозим. Масалан, чет эл валютасидаги омонат фоизлари миллий валютадагидан пастроқ. Максимал самарадорликка эришиш учун депозитлардан олинадиган фоизларни иккига бўлиш: бир қисмини кредит ёки коммунал хизматларни тўлашга йўналтириш, иккинчисини жамғариш, яъни капиталлаштириш учун ишлатиш мумкин.
Иккинчи қоида: кэшбэкдан фойдаланинг
InfinBank мутахассиси Сарвар Аллаберганов омонат очиш ва тўпланган кэшбэкларни унга ўтказишни маслаҳат берди.
«Бир молиячи шундай деган экан: пул ишлаб топиш қийин, лекин уни тўғри сарфлаш ҳаммасидан қийинроқ. Агар одам кам миқдордаги маблағни тўғри сарфлай олмаса, у ҳолда унинг катта миқдордаги маблағни тўғри бошқариши даргумон. Кўпчилик ўз пулларини, хусусан, кэшбэк сифатидаги пулларини қайтариб олиш имкониятини берадиган хизматларни эътиборсиз қолдирадилар. Бунинг учун фақатгина Давлат солиқ қўмитаси иловасида чекларни сканерлаш эмас, балки InfinBank мобил иловасидан фойдаланиш ҳам мумкин – унда кўплаб хизматлар учун ҳақиқий пул кўринишида махсус ҳамёнга бир зумда тушадиган кэшбэк мавжуд. Бунинг қанчалик фойдалилигини бир ойда кўришингиз мумкин. Маслаҳатим: омонат очинг ва тўпланган кэшбэкларингизни унга ўтказинг – ҳатто озгина пулдан ҳам фойда олинг», – дейди мутахассис.
Учинчи қоида: кредитдан қўрқманг
«Агар режадан ташқари харажатлар келиб чиқса-ю, аммо пулингиз бўлмаса, қўшниларингиз ёки қариндошларингиздан қарз олишни хоҳламасангиз, у ҳолда кредит олиш – энг яхши вариант. Бу жуда тез ва осон иш, айниқса, гап кредит карта ҳақида кетганда. Унда шундай мослашувчан фойдаланиш имкониятлари таъминланганки, сиз уни деярли ҳар қандай мақсадда олишингиз мумкин. Бугунги кунда кредит келажакда амалга оширишни режалаштирган хоҳиш ва истакларингизни ҳозир ҳам рўёбга чиқариш имконини берадиган ўзига хос вақт машинасига айланган. Кредит олишда кўпчиликни иккилантирадиган нарса – уни тўлай олмаслик хавотиридир. Бу борада қўрқувга асос йўқ. Чунки кредит олиш учун сиз банкка мурожаат қиласиз, улар эса потенциал мижознинг кредит тарихини ва унинг кредитни қайтара олиш қобилиятини текширадилар. Банкни танлаётганда нафақат кредитлар бўйича фоиз ставкаларини, балки унинг замонга мослигини ҳам солиштиринг. Мисол учун, биз InfinBank’да скоринг – энг илғор воситалар ва усуллардан фойдаланган ҳолда қарз олувчининг кредит қобилиятини баҳолаш тизимини ишлаб чиққанмиз. Бизнинг скоринг тизимимиз тўлиқ автоматлаштирилган, яъни агар сизнинг даромадингиз етарли бўлмаса, унда биз сизга оилавий бюджетингизга оғирлик қилмайдиган суммани таклиф қиламиз», – деди InfinBank мутахассиси.
Ушбу қоидаларни ўз ҳаёт тарзингизга айлантиринг, албатта, бунга дарҳол эриша олмаслигингиз мумкин – яхши одатлар учун ҳам вақт керак. Ўз-ўзини муайян қоидаларга амал қилишга ўргатиш ва изчиллик сизнинг молиявий саломатлик йўлидаги асосий ёрдамчиларингиздир.
Сайт: infinbank.com
Facebook: InFinBank
Instagram: investfinancebank
Telegram бот: Infin_bank_bot
Кредит олиш учун: infinbank.com
Реклама ҳуқуқи асосида.
Изоҳ (0)