Россия компаниялари Ўзбекистонда дори-дармон ишлаб чиқаради. Бу ҳақда Россиянинг Ўзбекистондаги савдо вакили Константин Злигостевнинг Tashkent Pharma Park фармацевтика кластерига ташрифи чоғида маълум бўлди.
Фармацевтика тармоғини ривожлантириш агентлиги ва Tashkent Pharma Park раҳбарияти билан учрашув доирасида Россия компаниялари билан мамлакатда ижтимоий аҳамиятга эга дори-дармонларни ишлаб чиқариш бўйича аллақачон бир қатор шартномалар имзолангани қайд этилган.
Томонлар, шунингдек, Россия тиббиёт олийгоҳларини Фармацевтика техник университетидаги ўзбекистонлик мутахассислар учун таълим дастурларини ишлаб чиқишга жалб қилишни ҳам муҳокама қилган.
Маълумот учун, Tashkent Pharma Park инновацион илмий-ишлаб чиқариш фармацевтика кластери Тошкент вилояти Зангиота туманида жойлашган бўлиб, унинг вазифаларидан бири инновацион ва юқори сифатли дори воситалари, тиббий буюмлар ва тиббий техникани ишлаб чиқаришга мўлжалланган замонавий рақобатбардош ишлаб чиқаришларни ташкил этиш учун, шу жумладан хорижий фармацевтика компанияларининг инвестициялари ва илғор технологияларини жалб қилишдан иборат.
Мавзуга доир: Ўзбекистонда 2022 йилда қарийб 5 минг гектар майдонда доривор ўсимлик плантациялари қурилади
Изоҳ (0)