Қовун танлашда нималарга эътибор қаратиш керак? Мутахассисдан 5 та лайфхак

Пишган ва мазали қовунни танлаш қийин эмас, асосийси, ушбу полиз экинини сотиб олаётганда нимага эътибор бериш кераклигини билишдир, деб ёзади «Новий очаг».

Янги ва хушбўй ҳид

Пишган қовун ўзига хос хушбўй ҳидга эга эга бўлади. Шунинг учун харид вақтида қовунни ҳидлаш керак. Ташқи томондан шикастланиш бўлса, айнан ўша жойдан чириш бошланади.

Ўт ҳиди пишмаган қовунларга хосдир. Шунингдек, нордон ёки шароб ҳиди маҳсулотда чириш жараёни бошланганидан дарак беради. Агар қовуннинг ташқи кўриниши ажойиб, аммо ҳиди бўлмаса, уни сотиб олиш тавсия этилмайди.

Поя

Поясига қараб пишганлиги ва мазасини аниқлаш тарвуз танлашнинг асосий мезонларидан биридир. Аммо қовунда ҳам буларга эътибор бериш керак. Бутунлай қуруқ, жигарранг, моғор ва чириш белгилари бўлмаган пояли қовун харид қилиш лозим. Пояларнинг зарарлангани бу маҳсулотнинг сифатини пасайтиради. Шунингдек, уларнинг бемаза чиқиши эҳтимоли кўпроқ.

Ўлчам

Қовунни ўртача катталикдагисини олган яхшироқдир. Айрим турдаги қовунлар орасида энг кичиги ҳам, энг каттаси ҳам мазали бўлади. Ўртача оғирлик навларга боғлиқ. Тахминан бир хил ўлчамдаги иккита қовундан оғирроғини сотиб олиш лозим. Бу кўпроқ ширалиликнинг кўрсаткичидир, қолаверса, қовуннинг яхши пишганидан дарак беради.

«Бурун»

«Бурун» — гулнинг бирикиш жойи. Етук намуналарда «бурун» қовуннинг қолган қисмига қараганда бироз юмшоқроқ бўлиб, енгил босилганда бармоқ учи бироз ички томонга киради. Бироқ уни босиб кўргандан сўнг бармоқ изи қолмаслиги керак. Унинг ҳаддан ташқари юмшоқлиги сотиб олмаслик учун сабабдир.

Овоз

Овоз ҳам полиз экинининг ишончли кўрсаткичидир. Қовунга аста уриб кўрилганда чиқадиган овоз бироз хира бўлиши лозим. Лекин овоз аниқ чиқиш керак. Пишмаган ҳолатда юлиб олинган навлар гўё хириллаш каби шовқинлироқ эшитилади. Ортиқча пишган қовунларда эса овоз деярли фарқ қилмайди.

Қовун пўстлоғи

Кўпгина навларнинг пўсти  жуда зич ва эластикдир. Бу каби пўстлоқларни кўп куч сарфламасдан ҳам ўзгартириш мумкин. Босим тўхтагандан сўнг пўстлоқ асл ҳолатига қайтади, унинг юзасида ҳеч қандай из қолмайди. Аммо бунинг акси бўлса, қовун меъёридан ортиқ даражада пишиб кетган.

Пишган қовун пўстлоғининг ранги деярли бутун юзада бир хил бўлиши керак. Шунингдек, асосий рангдан бироз енгилроқ думалоқ шаклдаги кичик доғнинг мавжудлиги меъёр ҳисобланади. Бу маҳсулотнинг ер билан алоқада бўлганлиги, шунинг учун бу камроқ қуёш нури олганлигидан дарак.

Яшил доғлар эса қовуннинг пишмаганлигидан далолат беради. Қуюқ сариқ ва жигарранг доғларнинг мавжудлиги чиришнинг асосий белгиларидан биридир.