Фарғона вилояти Қувасой шаҳрида аёллар гашиш гиёҳвандлик моддасини сотган вақтда қўлга олинди. Бу ҳақда вилоят ички ишлар бошқармаси ахборот хизмати хабар берди.
Маълум қилинишича, 10 август куни Фарғона вилояти ИИБ ЖҚБ ва Қувасой шаҳри ИИБ ЖҚБ ходимлари ҳамкорликда тезкор тадбир ўтказган. Жараён давомида «Кокилон» маҳалласи ҳудудида Я.М. ва У.М. исмли аёллар бир гуруҳ бўлган ҳолда 938 килограмм миқдордаги темир буюмлар эвазига қоғозга ўралган гашиш моддасини сотган вақтда тадбир иштирокчилари томонидан далилий ашё билан ушланган.
Ҳолат юзасидан Қувасой шаҳри ИИБ ҳузуридаги тергов бўлими томонидан Жиноят кодексининг 273-моддаси (гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан жиноят иши қўзғатилиб, аёллар процессуал тартибда ушланган.
Жиноят кодексининг 273-моддаси 5-қисмида кўрсатилган жиноятни содир этган шахс 20 йилгача озодликдан маҳрум қилиш билан жазоланиши мумкин.
Изоҳ (0)