«Ўргимчак одам» юлдузи Том Ҳолланд ижтимоий тармоқлардаги фаолиятини якунлаётганини эълон қилди. Голливуд актёри ўзининг Instagram саҳифасига хайрлашув видеосини жойлаштирди ва уни Twitter билан биргаликда телефонидан ўчириб ташлашини маълум қилди. Томнинг сўзларига кўра, ижтимоий тармоқлар унинг руҳий ҳолатига салбий таъсир қилиши билан бирга, жуда кўп вақтини ҳам олмоқда, деб ёзади People Talk.
«Ижтимоий тармоқлар менга бўғувчидек туйилади. Интернетда ўзим ҳақимда бирор нарса ўқиганимда, жуда қўрқаман, хавотирга тушаман ва бу менинг руҳий ҳолатимга ёмон таъсир қилади. Шу туфайли ҳам мен ушбу қадамни қўйишга ва телефонимдаги дастурларни ўчиришга қарор қилдим », — дея хайрлашди Том Ҳолланд ўзининг кўп миллионли аудиторияси билан.
Шунингдек, актёр мухлисларни руҳий саломатлигига эътибор беришга чақирди ва уларга ҳиссий ҳолатини кузатиш ва назорат қилишда ёрдам берадиган ижтимоий хайрия ташкилотлар билан ўртоқлашди.
Мавзуга доир:
Изоҳ (0)