Баъзилар олий маълумотни муваффақиятли карьера учун энг зарур нарсалардан бири деб ҳисобласа, бошқалар асосийси — жасорат ва қатъият муҳим деб билади. Қуйида университет таълимисиз муваффақиятга эришган машҳурлар ҳақида маълумот берамиз.
Билл Гейтс
Билл Гейтс — замонамиздаги энг машҳур ва бадавлат одамлардан бири. Билл Гарвардда 2 йил таълим олгач, ўқишдан ҳайдалади. Шундан сўнг у бутун куч ҳамда вақтини дастурий таъминот ва келажакдаги Microsoft корпорациясини яратишга сарфлайди. 2007 йилда эса Гарвард университети маъмурияти Гейтсга битирувчи мақомини беришга қарор қилади.
Стив Жобс
Стив ўзининг ҳаётий ҳикояси билан бутун инсониятни илҳомлантира олди. Зерикарли мажбурий дастур уни қизиқтирмагани учун у коллежни ташлаб кетади. Кейинчалик 1 йил хаттотлик курсида ўқийди, аммо у ердан ҳам кетади.
Майкл Делл
ДЕЛЛ асосчиси ҳам университетни тамомламаган. Ўқиш пайтида у компьютерлар сотадиган компания яратади, шунинг учун 19 ёшида у бутунлай бизнес билан шуғулланишга қарор қилади. 2006 йилда у дунёнинг энг бой одамлари рўйхатида 12-ўринни эгаллайди.
Ларри Эллисон
Сайёрамизнинг энг бой одамлари рўйхатида 3-ўринни эгаллаган Oracle корпорацияси асосчиси турли сабабларга кўра икки марта университетни ташлаб кетган. Биринчи марта иккинчи курсда уни асраб олган онаси вафот этгани туфайли, иккинчи марта эса Чикаго университетини 6 ойдан сўнг ҳисоблаш техникасига қизиқиши сабабли ташлаб кетган.
Ричард Бренсон
Машҳур британиялик тадбиркор ва Виргин корпорацияси асосчиси 16 ёшида мактабни тугатади, кейин Лондонга кўчиб ўтади ва «Студент» журналига асос солади. Бу унинг кўплаб лойиҳалари орасида биринчи иши ҳисобланади, ҳозирда бундай лойиҳаларининг сони уч юздан ошади.
Роман Абрамович
Миллиардер ва «Челси» футбол клубининг эгаси 1983 йилда Ухта саноат институтига ўқишга киради, аммо уни тугатмайди. У кичик бизнесни эрта бошлаган, шундан сўнг нефть савдоси билан шуғулланган.
Генри Форд
ХХ аср бошларидаги энг машҳур америкалик саноатчилардан бири 16 ёшида уйдан қочиб, Детройтга ишлаш учун келган. 1903 йилда у машинасозлик бозорида инқилоб қилган Ford Motor компаниясини очади. Генри кўпинча олий маълумоти йўқлиги саббали танбеҳ эшитган, лекин у ҳар доим махсус билим умумий билимдан кўра муҳимроқ эканлигини таъкидлайди.
Ингвар Кампрад
Швед тадбиркори 17 ёшида IKEA компаниясига асос солган. Болалигидан кичик тадбиркорлик билан шуғулланган — улгуржи нархга гугурт олиб, қўни-қўшниларга доналаб сотарди. Кейинчалик балиқ, ундан сўнг эса дунёга машҳур мебеллар бизнеси пайдо бўлди. Ингвар ҳозир Швейцарияда яшайди ва мамлакатнинг энг бой фуқароси ҳисобланади.
Жон Дэвисон Рокфеллер
Дунёдаги биринчи долларли миллиардер 1850 йилларнинг охирида коллежда ўқиб юрганида, уч ойлик бухгалтерия курси ва фаолиятга чанқоқлик унга кўп йиллик ўқишдан кўра кўпроқ фойда олиб келишини тушунади. Шунингдек, у болалигидан курка сотиш ва картошка ковлаш каби кунлик ишларда ишлаган.
Рут Ҳендлер
Дунёга Барби қўғирчоғини совға қилган тадбиркор аёл ҳам болалигида ишлаган. Унинг болалиги қийин кечади, лекин у бутун дунёдаги миллионлаб қизларни бахтли қилди. Қизиғи шундаки, дастлаб у ва эри фоторамкалар ишлаб чиқариш билан шуғулланган. Кейинчалик улар ўйинчоқлар яратишни бошлашган.
Квентин Тарантино
Тарантино нафақат олий маълумот билан мақтана олмайди, балки мактабда ҳам яхши ўқимаган. Квентин олтинчи синфгача соат неча бўлганини айтишни билмас эди. У аниқ фанларни ёқтирмасди, лекин кино олами уни доимо ўзига жалб қиларди. Ҳатто 15 ёшида мактабни тугатгач, кинотеатрга ишига киради. Квентин Тарантино 37 та мукофотга эга ва турли танловларда 47 марта номзод бўлган. Унинг 6 та фильми ФҲМ журналининг барча даврларнинг 100 та энг яхши фильмлари рўйхатига киритилган.
Жак-Ив Кусто
Унинг ҳаётидаги энг катта ютуғи Брестдаги денгиз мактаби бўлиб, ўқишни тугатгандан сўнг у денгиз флотига мичман сифатида ишга киради. Соғлиғи билан боғлиқ муаммолар туфайли у осмонни забт эта олмаган бўлса ҳам, аммо сувости дунёси унинг олдида сирли оламини очди. Олий маълумотга эга бўлмаса ҳам у акваланг ускуналарини, сув остида суратга олиш камераларни, сувости дунёсини ёритиш асбобларини ихтиро қилди. У бутун дунёга сувости дунёсини кўрсатди ва дунё унинг бу меҳнатини қадрлади. Унга берилган кўплаб мукофотлар, унвонлар Кусто номи ҳатто дипломсиз ҳам денгиз билан абадий чамбарчас боғлиқлигини исботлади.
Жеймс Кемерон
Афсонавий режиссёр Калифорния университетига ўқишга киради, лекин кўп ўтмай ўқишни ташлаб, официант қизга уйланади ва юк машинаси ҳайдовчиси бўлиб ишлай бошлайди. «Юлдузлар жанги» фильмини томоша қилгандан сўнг, режиссёр бўлиш олий мақсадига айланади. Ва, кўриб турганингиздек, у орзусини амалга оширади.
Тайгер Вудс
Тайгер Вудс дунёдаги энг кўп маош олувчи спортчилардан бири ҳисобланади — даромади йилига 100 миллион доллардан ошади. Бир вақтлар у профессионал голфчи бўлишга қарор қилиб, Стенфорддаги ўқишини ташлаб кетган. Кўриб турганингиздек, Вудс танловда адашмаган.
Изоҳ (0)