Ўзбекистонда 2022 йилнинг январь—июль ойларида 1 314 та электромобиль импорт қилинган. Бу ҳақда Давлат статистика қўмитаси хабар бермоқда.
Электромобиль импорти 2021 йилнинг мос даврига нисбатан 901 тага ёки 3,2 баробарга ошган. 2020 йилнинг дастлабки етти ойида Ўзбекистонга атиги 68 дона электромобиль келтирилган эди. Икки йилда импорт 19,3 баробарга кўпайди.
Жорий йил июль ойининг ўзида бу кўрсаткич 189 тани ташил қилди. Етти ой ичида 10 та хорижий давлатдан қиймати 40,1 млн долларга тенг бўлган электромобиль импорт қилинган.
Ўзбекистонга энг кўп электромобиль етказиб берган давлатлар орасида Хитой доимгидек етакчилик қилмоқда. Январь—июль ойларида ушбу давлатдан 1 155 та электромобиль келтирилган.
Иккинчи ўринни БАА (81) эгаллаган бўлса, бу борада учинчи этиб Германия (29) кўрсатилган.
Аввалроқ Tesla электромобилларини етказиб бериш икки йил ичида биринчи марта қисқарган эди.
Изоҳ (0)