Бугун,

  • USD 10940.05
  • RUB 182.26
  • EUR 11121.65

Эстония мудофаа вазири Ханно Певкур Iltalehti газетасига берган интервьюсида маълум қилишича, Финляндия НАТОга аъзо бўлганидан кейин, Эстония у билан ўз қирғоқ мудофаасини бирлаштиришга келишиб олган.

Фото: Legion-Media

Фото: Legion-Media

«Финляндия ва Эстония ракетага қарши мудофааснинг интеграциялашуви Фин қўлтиғини Россия ҳарбий кемалари учун ёпиш имконини беради. Финляндия ва Швеция НАТО қўшилиши билан Болтиқ денгизи альянснинг ички денгизига айланади», — деди Певкур. Унинг сўзларига кўра, Эстония ва Финляндия ракеталари парвоз масофаси Фин қўлтиғи кенглигидан каттароқ.

Вазир қайд этишича, томонлар бу ҳақда 11 август куни, Певкур Хельсинкида Финляндия мудофаа вазири Антти Кайкконен билан учрашган вақтида келишиб олган.

Финляндия қўшни Швеция каби Россиянинг Украинага ҳужумидан кейин кўп ўтмай НАТОга қўшилиш учун ариза берганди. Иккала мамлакат ҳам бу альянснинг барча аъзолари томонидан маъқулланганидан кейин НАТОга қўшила олади. Тегишли ҳужжатлар 4 август ҳолатига 30 та мамлакатдан 23 таси томонидан ратификация қилинган.

Аввалроқ Эстония ўзи томонидан берилган Шенген визаларига эга Россия фуқаролари учун ўз ҳудудига киришни тақиқлаши хабар берилган эди.

Эстония баҳордаёқ, Украинада уруш бошланганидан кейин кўп ўтмай Россия фуқароларига туристик визалар беришни тўхтатганди. Ҳозир визалар фақат Эстония резидентлари қариндошларига ёки гуманитар мақсадларда берилади.

Аввалроқ Эстония Ташқи ишлар вазирлиги Евроиттифоқ даражасида россияликларга виза беришни тўлиқ тақиқлашни муҳокама қилишга чақирган эди. Россияликларга Шенген визалари берилишини тақиқлаш ҳақидаги таклиф Евроиттифоқда муҳокамага қўйилди. Таклиф нафақат сайёҳларга, балки журналистлар, диссидентлар ва Евроиттифоқ мамлакатлари фуқароларининг қариндошларига ҳам виза беришни тақиқлашни ўз ичига олади. Таклиф август охирида Прагада Евроиттифоқ мамлакатлари ташқи ишлар вазирлари учрашувида муҳокама қилинади.

Изоҳ
Асосий янгиликлар