Қозоғистоннинг Нур-Султон шаҳрида дунёдаги энг катта масжидлардан бирига айланган янги масжид фаолиятини бошлади. Бу ҳақда «Kazinform» хабар бермоқда.
Қайд этилишича, масжид жойлашган ер майдони 10 гектарни ташкил этади. Умумий майдони — 68 062 квадрат метр. Катта гумбазнинг баландлиги 83,2 метр, диаметри 62 метр. Масжид тўрт минорали бўлиб, баландлиги 130 метрни ташкил қилади.
Масжиднинг ерости қисмида 440 ўринли зиёфат зали, 405 ўринли ёпиқ автотураргоҳ, қабулхона, ҳожатхона, техник ва маросим хизматлари учун жой, қурбонлик қилиш жойи ва бошқа хоналар мавжуд. Биринчи ва иккинчи қаватларда намоз ўқиладиган жойдан ташқари дарсхоналар, мажлислар зали, никоҳ зали, Қуръон ўқиш зали, телестудия, идоралар, хизмат хоналари, савдо дўконлари, музей ва техник хоналар мавжуд.
- эркаклар учун мўлжалланган жойда 30 минг киши;
- аёллар учун мўлжалланган жойда 5 минг киши.
Маълумот учун, масжиднинг очилиш маросимида Қозоғистон биринчи президенти — элбоши Нурсултон Назарбоев иштирок этди. Янги масжид айнан унинг ташаббуси билан уч йил ичида қурилган.
Изоҳ (0)