12 август куни Украинага 522 нафар ҳарбийнинг жасадлари қайтариб берилди, улар бедарак йўқолганлар рўйхатида бўлган. Запорожье вилоятининг Россия назорати остидаги ҳукумати мунтазам зарбаларга учраётган Запорожье АЭС вақтинча тўхтатиб қўйилиши мумкинлигини маълум қилди. «BBC рус хизмати ҳисоб-китобларига кўра, Россия ҳукумати Украинадан қочқинларни қабул қилишга 10 миллиард рублдан ортиқ харажат қилган бўлиши мумкин. Украина АҚШдан Россиянинг хусусий банкларига қарши санкциялар киритишни сўради. Meduza урушнинг 170-кунига оид асосий фотосуратлар билан бўлишди.
Запорожье вилояти
Запорожье вилоятининг Бердянск шаҳри чеккасидаги билборд (Россия Мудофаа вазирлиги ташкиллаштирган матбуот тури чоғида суратга олинган). 8 август куни қисман босиб олинган Запорожье вилоятининг «янги маъмурияти» раҳбари Евгений Балицкий минтақада Россия билан «қайта бирлашиш» ҳақида «референдум» бўлиб ўтишини маълум қилди. Референдум сентябрда ўтказилиши тахмин қилинмоқда. Украина президенти Владимир Зеленский айтишича, агар «референдумлар» бўлиб ўтса, Украина Россия билан музокаралар ғоясидан бутунлай воз кечадиФото: EPA
Харьков
Харьковда украин ҳарбий хизматчилар «Град» баравар ўт очиш реактив тизимини тайёрламоқда, унинг ёрдамида Россия позицияларига зарбалар бериладиФото: Anadolu Agency
«Град» баравар ўт очиш реактив тизими Харьков вилоятидаги Украина позицияларидаФото: Anadolu Agency
Украина қуролли кучлари ходимлари «Град» орқали Харьков вилоятида Россия позицияларига зарбалар бермоқдаФото: Anadolu Agency
Донбасс шимоли
Донецк вилоятидаги Константиновка шаҳрида автомобилга ёнилғи қуйиш станцияси ходими газ баллонини тўлдирмоқда. Қум солинган қоплар зарбалар чоғида станцияни ёнғиндан ҳимоя қилади. Август бошида Украина томони шаҳар тунда ўққа тутилиши оқибатида кўп қаватли турар жойлардан биридаги подъезд қулаб тушгани, бир аёл жабрлангани, вайроналар остидан эса етти киши чиқариб олинганини маълум қилганди. Кейинроқ қурилиш лицейи корпусига зарбалар берилган — икки киши ҳалок бўлиб, тўққиз киши шикастланганФото: Reuters
Украина Фавқулодда вазиятлар давлат хизмати ходими Донецк вилоятидаги Бахмут шаҳри ўққа тутилганидан кейин яраланган аёлга ёрдам бермоқда. Украина Бош штаби хабар беришича, Бахмутда россияликлар Покровское — Бахмут, Видродження — Вершина, Углегор ТЭС — Зайцево йўналишларида ҳужум ҳаракатларини олиб борган. Ҳеч бир йўналишда улар муваффақиятга эришмаган ва чекинганФото: Anadolu Agency
Ҳужум чоғида яраланган Бахмут фуқаросига биринчи ёрдам кўрсатилмоқдаФото: Anadolu Agency
Бахмутликлар шаҳар ўққа тутилганидан кейинФото: Anadolu Agency
Украина Фавқулодда вазиятлар давлат хизмати ходимлари яраланган бахмутлик ташиб келтирилган замбилдан қон юқини тозаламоқдаФото: Anadolu Agency
Изоҳ (0)