11 августга ўтар кечаси Никополь, Харьков ва Краматорск Россия томонидан ўққа тутилди. Никополда уч киши ҳалок бўлиб, тўққиз киши яраланди. Американинг Planet Labs компанияси Қримдаги Новофедоровка қишлоғи яқинида жойлашган Саки аэродромининг сунъий йўлдошдан олинган суратларини эълон қилди, фотосуратларда вайрон бўлган самолётларни кўриш мумкин. Россия техникага зарар етмаганини даъво қилмоқда. ДХР Донецкдаги пиво заводи Украина қуролли кучлари томонидан ўққа тутилганини ва аммиак сизиб чиққанини маълум қилди. Meduza урушнинг 169-кунига оид фотосуратлар билан бўлишди.
Қрим
Қримнинг Новофедоровка қишлоғи яқинида жойлашган Саки аэродромининг сунъий йўлдошдан олинган сурати, у ерда 9 август куни кетма-кет портлашлар юз берганди. Тасвир 10 август куни олинган. Журналистлар ва экспертлар суратларни таҳлил қилди ва уларни аэродромнинг 9 августда, портлашдан сал аввалроқ олинган тасвирлари билан таққослади. CNN ҳисоб-китобларига кўра, аэродромда камида еттита самолёт йўқ қилинган. «BBC рус хизмати», The New York Times ва Америка уруш тадқиқотлари институти ёзишича, аэродромда камида саккизта самолёт ёниб кетган, Украинанинг «Схеми» эса тўққизта самолёт ҳақида ёзмоқда. Россия Мудофаа вазирлиги ҳодисадан кейин дарҳол портлашлар натижасида аэродромдаги авиация техникасига зарар етмаганини маълум қилгандиФото: АP
Донецк
Донецк пиво заводига зарбалардан кейин кўтарилаётган тутун. ДХР корхона Украина қуролли кучлари томонидан ўққа тутилиши оқибатида 6 тонна аммиак сизиб чиққанини маълум қилди. Бир киши ҳалок бўлганФото: Reuters
Донбасс шимоли
Ўт ўчирувчи Бахмут ўққа тутилганидан кейин. Украина қуролли кучлари Бош штаби 12 август куни эрталаб маълум қилишича, аввалроқ Россия армияси Горловка — Зайцева йўналишида ҳужум қилиш чоғида Бахмут йўналишида «қисман муваффақиятга учраган»Фото: Anadolu Agency
Соледарда қутқарувчи яраланган фуқаро ёнида. Украина қуролли кучлари Бош штабига кўра, Россия қўшинлари шаҳарга (шунингдек, Бахмут, Кодема, Спорное ва Яковлевкага ҳам) ҳужум қилишга уринган, аммо муаввафақиятга учрамаганФото: Anadolu Agency
Краматорскдаги снаряд. Тунда ва эрталаб Краматорск, Никополь ва Харьков Россия ҳужумларига учради. Никополда уч киши ҳалок бўлиб, тўққиз киши яраландиФото: Instagram
Краматорскдаги турар жой ҳовлиси зарбалардан кейин. Болакай шу ерда ишлаётган экспертларга тақлид қилиб, «бўлакларни топиш» ўйинини ўйнамоқдаФото: Instagram
Украиналик аскарлар Донбассдаги фронт чизиғидан бир неча километр нарида чўмилмоқда. Улар фронтдаги тўрт ойлик хизматдан кейин дам олмоқдаФото: AFP
Харьков
Харьковда тонготар чоғида учирилган Россия ракетаси. Шаҳарнинг Киев тумани ҳам зарбалар остида қолди, деди мэр Игорь Терехов. Снаряд турар жой ҳовлисига келиб тушган, қурбонлар йўқФото: AP Photo
Изоҳ (0)