Жорий мавсумда Ўзбекистонда олхўри экспорти 10 майдан бошланган бўлиб, мавсум бошланганидан буён сўнгги уч ой ичида 2017 йилнинг шу даврига нисбатан рекорд миқдорда олхўри экспорт қилинди. Бу ҳақда EastFruit хабар берди.
Божхона қўмитасининг дастлабки маълумотларига кўра, 11 майдан 10 августгача бўлган даврда Ўзбекистон 44 минг тонна янги олхўри экспорт қилган, бу ўтган йилнинг шу даврига нисбатан 2,6 баробар ва қарийб 30 фоизга кўпдир.
2021 йилда янги олхўри экспорти ҳажми беш йил ичида энг паст кўрсаткич бўлди, бу паст ҳосил ва кузатилган совуқнинг икки тўлқини туфайли ушбу маҳсулот нархининг юқорилиги билан боғлиқ.
Бироқ бу экспортнинг пасайишига ягона сабаб эмас эди. Экспорт ҳажмлари динамикасига кўра, 2019 йилни ҳисобга олмаганда, 2017—2021 йилларда барқарор пасайиш тенденцияси кузатилди.
2022 йилги мавсум бошидан бошлаб ушбу маҳсулотлар экспорти ҳажми 2017, 2018, 2020 ва 2021 йиллардаги йиллик экспорт ҳажмидан камида 44 фоизга ўсди.
Олхўри экспортининг кескин ўсишига Ўзбекистонда жорий йилда мўл ҳосил ва натижада ушбу маҳсулотлар нархининг пастлиги сабаб бўлмоқда.
EastFruit нархлари мониторингига кўра, 2022 йилнинг июнь—июль ойларида янги олхўрининг улгуржи нархлари ўтган йилги даражадан ўртача 2 баравар паст бўлган.
2022 йил 5 август ҳолатига кўра, ушбу маҳсулотларнинг ўртача улгуржи нархлари 2021 йилнинг шу санасига нисбатан 4 баробар, 2019 йилнинг шу санасига нисбатан эса 2,5 баравар паст бўлган.
Изоҳ (0)