Самарқанд вилоятидаги «Жартепа» чегара божхона постида тўхтатилган «Tracker Trkat» автомашинасидан марихуана гиёҳвандлик воситаси топилди. Бу ҳақда вилоят божхона бошқармаси хабар берди.
Маълум қилинишича, «Жартепа» чегара божхона пости орқали қўшни давлатдан кириб келган фуқаро С.Ғ.нинг божхона назорати зонасидан ўтиш вақтида ўзини тутиши ходимлар эътиборини тортган.
Шундан сўнг унинг бошқарувида бўлган «Tracker Тrkat» автотранспорт воситаси текширилган. Ҳайдовчи томондаги рулнинг паст қисмидаги кичик бардачоги ичида тўкилган ҳолда турган яшил рангли, ўткир ҳидли, ўцимон, соф оғирлиги 0,31 грамм марихуана гиёҳвандлик воситаси топилиб, ашёвий далил сифатида расмийлаштирилиб олинган.
Самарқанд вилояти суд-тиббий экспертиза бюросининг хулосасига кўра судланувчи С.Ғ.нинг организмида канабиниоидлар (наша компонентлари) аниқланган. Мазкур ҳолат юзасидан Жиноят ишлари бўйича суднинг ҳукми билан Жиноят кодексининг тегишли моддаларига мувофиқ, судланувчи С.Ғ.га базавий ҳисоблаш миқдорининг 200 баравари миқдорида — 54 миллион сўм жарима жазоси тайинланган.
Шунингдек, «Tracker Тrkat» жиноят қуроли сифатида давлат фойдасига мусодара қилинган.
Изоҳ (0)