10 август куни Украина ҳарбийлари Каховка ГЭС яқинидаги Днепрдан ўтувчи кўприкка муваффақиятли зарба берилгани ҳақида маълум қилди. Россия қўшинлари яна Украина шаҳарларини ўққа тутди: Днепропетровск вилоятидаги Марганец шаҳрида камида 13 киши ҳалок бўлди, Донецк вилоятидаги Бахмутда эса етти киши қурбон бўлди. Россия Давлат думасининг халқаро масалалар бўйича қўмитаси раиси Леонид Слуцкий RT нашрига берган интервьюсида «махсус операция» «ортга қайтмаслик нуқтасидан ўтгани»ни ва «ҳеч қандай шубҳасиз давом эттирилиши»ни маълум қилди. Meduza урушнинг 168-кунига тегишли фотосуратлар билан бўлишди.
Днепропетровск вилояти
Днепропетровск вилояти Марганец шаҳрининг Россия томонидан ўққа тутилиши оқибатлари. 10 август куни кечқурун олинган маълумотларга кўра, камида 13 киши ҳалок бўлган, мактаб, турар жойлар ва бошқа фуқаролик объектларига зарар етганФото: Anadolu Agency
Марганецдаги турар жойлардан бирининг Россия снаряди келиб тушганидан кейинги кўринишиФото: Anadolu Agency
Запорожье вилояти
Запорожье вилоятида қишлоқ ҳудудига Россия снаряди келиб тушганидан кейин ҳосил бўлган чуқур. Вилоятнинг йирик марказлари — Мелитополь, Бердянск, Энергодар (у ерда Запорожье АЭС жойлашган) — ҳужум бошланганидан буён Россия истилоси остида қолмоқда, у ерларда Россия ҳукумати РФга қўшилиш ҳақида референдум ўтказмоқчиФото: Anadolu Agency
Николаев вилояти
Николаевлик Ангелина девордаги тешикдан мўраламоқда. Тешик яқинда Россия томонидан берилган зарбалар чоғида снаряд парчаси келиб тегиши натижасида ҳосил бўлганФото: Reuters
Украина қуролли кучлари танки Николаев яқинидаги фронт чизиғида. Николаев вилояти босиб олинган Херсон вилояти билан чегарадош, аммо Россия қўшинлари март бошида Николаевни эгаллаб ололмаганди. Ўшандан буён порт шаҳар Украина назорати остида турибди, бироқ деярли ҳар куни Россия томонидан ўққа тутилмоқдаФото: Reuters
Харьков вилояти
Украиналик ЗУ-23-2 зенит қурилмаси оператори Харьков остоналарида фронт чизиғида. Вилоятнинг Россия билан чегарадош пойтахтини (Харьковдан Белгородгача бор-йўғи 80 км) Россия қўшинлари май ўрталарида эгаллаб ололмаган ва чекинган эди. Аммо шаҳар деярли ҳар куни Россия томонидан ўққа тутилади. Вилоятда маҳаллий жанглар давом этмоқдаФото: Reuters
Донбасс шимоли
Украина қуролли кучлари аскарлари Донецк вилоятининг Краматорск шаҳри яқинидаги тупроқ йўл чеккасида бузилган зирҳли техника билан. Бу шаҳар — муҳим юк тушириш ва ортиш пункти ҳамда Донбассдаги Россия армияси учун асосий нишонлардан бириФото: AP Photo
Ўт ўчирувчилар Бахмутда кўп қаватли турар жойга Россия снаряди келиб тушганидан кейин ёниб кетган хонадонда алангани ўчирмоқда. Бахмут Донецк вилоятига чуқурроқ кириб боришга уринаётган Россия қўшинларининг йўли устида жойлашган ва мунтазам ўққа тутиладиФото: Anadolu Agency
Соледардаги уйлардан бирида қолган фуқаролар ертўлага яширинган. Шаҳар учун оғир жанглар бормоқда. 10 август куни ЛХР ва ДХР ўз қўшинлари Соледар ва Бахмут чегарасида эканини маълум қилдиФото: AP Photo
Донбассдаги фронт чизиғидан бир неча километр узоқликдаги фермада бақлажон ҳосили йиғиб олинмоқдаФото: AFP
Изоҳ (0)