Moliyaviy qulaylikdan ayrilish: Yevropa qishni dizel tanqisligi bilan boshlaydi

Shimoliy-g‘arbiy Yevropa qishni tarixiy darajadagi kam miqdordagi dizel yoqilg‘isi bilan boshlaydi. Bu haqda Bloomberg xabar bermoqda.

Dizel Yevropa uchun juda muhim bo‘lib, yonilg‘ining bu turi iqtisodiyotning katta qismini quvvatlantiradi.

Wood Mackenziye kompaniyasi ma’lumotlariga ko‘ra, mintaqada yo‘l dizeli, isitish moyi va boshqa dizel yonilg‘isi zaxiralari joriy yilning noyabr oyida 2011-yil boshidan beri eng past darajaga qisqaradi.

Dizel Yevropada yengil va yuk mashinalari uchun juda muhim hisoblanadi. Qit’ada undan foydalanish moliyaviy jihatdan ancha qulay hisoblanadi.

Bundan tashqari ushbu yonilg‘i kemalar tomonidan ham foydalanilib, qurilish va ishlab chiqarish tarmoqlarida ishlatiladi.

Insights Global ma’lumotlariga ko‘ra, Amsterdam—Rotterdam—Antverpen neft savdo markazidagi mustaqil omborlardagi zaxiralar kamida 2008-yildan beri eng past darajada.

Yevropada tizimli ravishda dizel yonilg‘isi yetishmaydi, muntazam ravishda chet eldan yuklar olib kelinadi.

Bu tabiiy tanqislik kelgusi yilning boshida, Yevropa Ittifoqining Rossiyadan dengiz orqali import qilinishini taqiqlashi ortidan jiddiy muammoga aylanishi mumkin.

Bu Rossiyaning Ukrainaga bostirib kirishi ortidan qit’ani qamrab olgan, tabiiy gaz va elektr energiyasi narxlarining ko‘tarilishiga olib kelgan va inflyatsiyani kuchaytirgan kengroq energiya inqirozining faqat bir qismidir.