Сурхондарё вилояти Термиз шаҳрига етиб келган Тожикистон ҳарбий делегацияси кутиб олиниб, «Ҳамдўстлик—2022» биргаликдаги ўқуви жараёнларига старт берилди. Бу ҳақда Мудофаа вазирлиги хабар қилди.
Қайд этилишича, меҳмонлар Термиз гарнизонидаги ҳарбий қисмга жойлашгандан сўнг биргаликдаги ўқувга бағишланган машғулотларга тайёргарлик кўриш мақсадида ўзбек ва тожик офицерлари иштирокида амалга ошириладиган ҳаракатлар режалари ўрганиб чиқилган.
4 август куни «Ҳамдўстлик—2022» биргаликдаги ўқувининг иккинчи куни тантанали очилиш маросими билан давом эттирилган. Жануби-ғарбий махсус ҳарбий округи қўмондони генерал майор Зайнобиддин Иминов ҳамда Тожикистон Қуролли кучлари бош штаби бошлиғи ўринбосари, генерал майор Эгамзод Шароф Худойберди очилиш маросимида сўзга чиқиб, биргаликдаги ўқув давлатлар ўртасидаги алоқаларни мустаҳкамлашига ишонч билдирган.
Шундан сўнг икки давлат мадҳияси янграган. Ўзбекистон ва Тожикистон Республикалари давлат байроқлари кўтарилган. «Ҳамдўстлик—2022» ўқувига жалб этилган ҳарбийлар ҳарбий оркестр садолари остида саф майдонидан ўтган.
Очилиш маросимидан кейин Термиз умумқўшин дала-ўқув майдони ўқув нуқталарида ва тўсиқлар йўлакларида ўзбек ҳарбий хизматчилари томонидан кўргазмали машқлар бажарилган. Машқлар жараёнида ҳарбийлар яқин масофада жанг олиб бориш, ярадорларни эвакуация қилиш, шартли душман ҳужумини қайтариш каби амалий машғулотларда иштирок этган. Ушбу машқларни кузатиш жараёнида тожикистонлик ҳарбийлар ҳам ўзларини синаб кўрган.
Мавзуга доир:
- Ўзбекистон мерганлари халқаро мусобақада Германия, Қатар, Озарбайжонни ортда қолдириб, иккинчи ўринни эгаллади
- Хоразмдаги полигонда Ўзбекистон ва Ҳиндистон ҳарбийларининг ҳамкорликдаги махсус-тактик ўқуви бўлиб ўтди (фото)
- Ўзбекистон разведкачилари Покистонда ўтказилган халқаро мусобақада рекорд натижа билан ғолиб бўлди
Изоҳ (0)