Сурхондарё вилояти Қумқўрғон туманида фуқаролар томорқасида наша етиштиргани аниқланди. Бу ҳақда «Постда» нашри хабар берди.
Унга кўра, Қумқўрғон туманидаги «Тўғон» маҳалласида яшовчи Б.Қ.нинг томорқаси туман ИИБ ҳамда ДХХ туман бўлими ходимлари томонидан кўздан кечирилган. Аниқланишича, фуқаро ҳовлисида 7 туп наша ўсимлигини экиб, парваришлаб келган.
Шу маҳалладаги яна бир хонадон — Б.Ж.нинг ҳам яшаш уйи ертўласидан соф оғирлиги 26,54 грамм бўлган марихуана гиёҳвандлик моддаси ҳамда томорқасида 4 туп наша ўсимлиги борлиги аниқланган.
Иккала хонадон вакилига ҳам жиноят иши қўзғатилган.