Ижтимоий тармоқларда Андижон шаҳар ҳокимининг 2006 йилдаги 307-қ сонли қарори бекор қилинмагани, шаҳар ҳокимининг 2011 йилдаги 342-қ сонли қарори билан фуқарога 630.0 кв.метр ер майдони яна ажратилиб берилаётгани ҳақида хабар тарқалди. Андижон вилояти прокуратураси ҳолатга муносабат билдирди.
Аниқланишича, Андижон шаҳар ҳокимининг 2011 йил 25 майдаги 342-қ-сонли қарори сохталаштирилгани юзасидан Андижон шаҳар прокуратураси томонидан Жиноят кодексининг 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 1 ва 3-қисмлари билан жиноят иши қўзғатилган. Ҳозирда Андижон шаҳар ИИО ФМБ ҳузуридаги тергов бўлими томонидан дастлабки тергов ҳаракатлари ўтказилмоқда.
Тергов ҳаракатлари Андижон шаҳар прокуратураси томонидан назоратга олинган.
Изоҳ (0)