Давлат солиқ қўмитаси агар тадбиркорга чек берилмагани ҳақида шикоят келиб тушса, солиқ текшируви қандай ўтказилиши ҳақида маълумот берди.
Қайд этилишича, бундай ҳолда Вазирлар Маҳкамасининг 2021 йил 7 январдаги 1-сонли қарорига асосан пулли ҳисоб-китобларни амалга оширишда назорат-касса техникаси (НКТ) қўлланилиши юзасидан сайёр солиқ текшируви ўтказилади. Жумладан қуйидагилар текширади:
- солиқ тўловчи томонидан фойдаланилаётган НКТ ва ҳисоб-китоб терминали тегишли қонун ҳужжатлари талабларига мувофиқлиги;
- харидорларга НКТ чеки ёки унга тенглаштирилган бошқа ҳужжатлар берилиши.
Солиқ солиш объектлари ва солиқ солиш билан боғлиқ объектлар тўғрисидаги ахборотни аниқлаштиришда ушбу дастурга асосан қуйидагилар текширилиши мумкин:
- давлат рўйхатидан ўтганлиги тўғрисидаги ҳужжатлар, фаолият тури ва жойининг солиқ тўғрисидаги қонун ҳужжатларига мувофиқлиги;
- солиқ тўловчига мулк ҳуқуқи асосида тегишли бўлган мол-мулк негизида, шунингдек, ушбу мол-мулкка эгалик қилиш ва (ёки) ундан фойдаланишга йўл қўядиган ўзга ашёвий ҳуқуқ асосида мол-мулкка ва ер участкаларига бўлган ҳуқуқни тасдиқловчи ҳужжатлар мавжудлиги.
Сайёр солиқ текшируви доирасида уни амалга ошириш дастурида назарда тутилган ҳолатлар бўйича текширув ўтказилиши керак.
Мавзуга доир:
- Ўзбекистонда 6 ойда солиқ имтиёзларидан энг кўп фойдаланган корхоналар маълум қилинди
- Ўзбекистонда президент топшириқларини ўз вақтида бажармаган учта вазирлик, Солиқ қўмитаси ва бошқа идораларга 10 дан ортиқ тақдимнома киритилди
- Ўзбекистонда турар ва нотурар жойларга оид маҳсулот ҳамда хизматларнинг идентификация кодлари деталлаштирилди
Изоҳ (0)